Gianluigi Buffon បានរៀបចំខ្លួនសម្រាប់ពីរប្រកួតហើយលើកនេះ ខ្លាំងជាងលើមុនៗ ដើម្បីទប់ទល់នឹង Cristiano Ronaldo ពេលដែល Juventus ត្រូវជួប Real Madrid ក្នុង Champions League វគ្គ៨ក្រុមចុងក្រោយ។
Juventus ទទួលភ្ញៀវ Real Madrid ក្នុងកីឡដ្ឋាន Turin នៅយប់ថ្ងៃអង្គារនេះក្នុងជើងទីមួយ ខណៈពួកគេកំពុងស្វែងរកលទ្ធផលវិជ្ជមាន ដើម្បីធ្វើដំណើរទៅកាន់កីឡដ្ឋាន Santiago Bernabéu ដើម្បីត្រួសត្រាយផ្លូវឡើងវគ្គពាក់កណ្ដាលផ្ដាច់ព្រ័ត្រលើកទី៣ជាប់ៗគ្នា។
ក្លឹបនៅ Serie A ត្រូវលេងបែងសងសឹក បន្ទាប់ពីពួកគេចាញ់ក្លឹបនៅ La liga វគ្គផ្ដាច់ព្រ័ត្រនៅទីក្រុង Cardiff ពេលដែលRonaldo បង្ហាញទម្រង់លេងឲ្យ Real Madrid ឈ្នះក្នុងលទ្ធផល៤ទល់១។ វ័យ៣៣ឆ្នាំទៅហើយ Ronaldo ហាក់មិនស្រកស្រុតទម្រង់លេងសោះ ដោយរដូវកាលនេះរូបគេរកបាន២៣គ្រាប់ក្នុងការបង្ហាញខ្លួន១៣ប្រកួតចុងក្រោយជាមួយក្លឹប និងជម្រើសជាតិ។
និយាយពាក្យក្នុងចិត្ត, Buffon កំពុងរំពឹងថារូបគេនឹងរវល់ខ្លាំងក្នុងការប្រកួតពីរលើកនេះ។
“ ពេលដែល Madrid មានបាល់នៅខាងមុខទី អ្នកចាំទីនិងខ្សែការពារមានបញ្ហាច្រើនណាស់។ក្រុមមួយនេះមានគុណភាពល្អខ្លាំងណាស់ហើយពួកគេផ្លាស់ប្ដូរតែបន្តិចបន្តួចទេ។ពិតណាស់! ខ្ញុំដឹងថា Cristiano នឹងនៅទីនោះហើយពេលនោះគាត់នឹងធ្វើឲ្យខ្ញុំរវល់ពេញទាំងពីរយប់គឺស្មុកស្មាញជាងជួបគ្នារាល់ៗដងទៅទៀត”៕
