ប្រសិនបើអ្នកចាំទីជម្រើសជាតិអេហ្ស៊ីប Essam El-Hadary ត្រូវបានជ្រើសរើសឲ្យមានឈ្មោះក្នុងបញ្ជីលេង World Cup សម្រាប់ប្រទេសរបស់គាត់ គាត់នឹងក្លាយជាកីឡាករវ័យចាស់ជាងគេបំផុតដែលមានវត្តមានលេងនៅ World Cup ដល់វ័យ៤៥ឆ្នាំ។
El-Hadary កំពុងលេងឲ្យក្លឹប Al-Taawoun FC របស់អារ៉ាប៊ីសាអូឌីតបានចូលលេងក្នុងជម្រើសជាតិដំបូង កាលពីឆ្នាំ១៩៩៩។ ចាប់តាំងពីរពេលនេះមកគាត់បង្ហាញខ្លួនឲ្យជម្រើសជាតិអេហ្ស៊ីបបាន១៥៦ប្រកួតហើយពេលនេះគាត់សុបិនថានឹងបំបែកកំណត់ត្រាកីឡាករចាស់ជាងគេបំផុតក្នុងជីវិតបាល់ទាត់របស់លោក ពេលក្រុមជម្រើសជាតិអេហ្ស៊ីបធ្វើដំណើរទៅរុស្សី។
“ខ្ញុំរីករាយនឹងលេងនៅ World Cup ហើយនេះជាសារទៅដល់កីឡាករបាល់ទាត់ទាំងអស់ជុំវិញពិភពលោក ដែលអ្នកត្រូវតែជឿជាក់លើក្ដីសុបិនរបស់ខ្លួនហើយប្រយុទ្ធដើម្បីឲ្យសុបិននោះក្លាយជាការពិត” Sadary និយាយក្នុងកាសែតBBC។
“ខ្ញុំមានវ័យ៤៥ឆ្នាំទៅហើយប៉ុន្តែសម្រាប់ខ្ញុំនេះគ្រាន់តែជាចំនួននៅក្នុងក្រដាសប៉ុណ្ណោះ។ខ្ញុំហ្វឹកហាត់រាល់ថ្ងៃ។ខ្ញុំមិនដឹងថាពិភពលោកនេះអត្ថន័យពាក្យ(Impossible=មិនអាចទៅរួច)មានន័យបែបណានោះទេ។ខ្ញុំនឹងរក្សាការប្រយុទ្ធរហូតដល់World Cup ដើម្បីមានឱកាសលេងនិងការពារក្នុងសម្លៀកបំពាក់ជាតិរបស់ខ្ញុំ”។
អេហ្ស៊ីបបានឡើងមកលេងនៅ World Cup ក្រោយពេល Salah រកបានគ្រាប់បាល់ចុងម៉ោងទល់នឹងកុងហ្គោ។ ពួកគេស្ថិតក្នុងពូលA ដោយស្ថិតនៅជាមួយម្ចាស់ផ្ទះរុស្សី អារ៉ាប៊ីសាអូឌីតនិងអ៊ុយរូហ្គាយ។
ចំណែកអ្នកកាន់កំណត់ត្រាកីឡាករវ័យចាស់បំផុតក្នុង World Cup គឺ Faryd Mondragon ដែលមានវត្តមានលេងជម្រើសជាតិកូឡុំប៊ីទល់នឹងជប៉ុនក្នុងឆ្នាំ២០១៤៕
