តារាជួរមុខរបស់ Arsenal កីឡាករ Mesut Ozil បានសរសើរទៅកាន់លោក Arsene Wenger ដោយនិយាយថាគាត់មានមោទនភាពដែលបានលេងក្រោមការដឹកនាំរបស់គ្រូបង្វឹកដែលនឹងជិតចាកចេញពីក្លឹបមួយនេះ។
Wenger បានប្រកាសកាលពីថ្ងៃសុក្រម្សិលមិញថាលោកនឹងចេញពីArsenal ពេលចប់រដូវកាលនេះបន្ទាប់ពីចំណាយពេល២២ឆ្នាំដឹកនាំក្លឹបយក្សនៅ Premier League មួយនេះ។ Ozil ដែលមកដល់ Arsenal កាលពីឆ្នាំ២០១៣ក្រោយចេញពីReal Madrid បានសរសើរពីរបៀបដឹកនាំនឹងចំណុចល្អៗជាច្រើនទៀតដែលគាត់មាន។
Ozil និយាយក្នុងSky Sport ថា“ គាត់គឺជាមូលហេតុចម្បងដែលខ្ញុំមកទីនេះគាត់បានបញ្ចុះបញ្ចូលខ្ញុំហើយខ្ញុំមានមោទនភាពដែលបានលេងក្រោមការដឹកនាំរបស់គាត់” ។
“ មនុស្សគ្រប់គ្នាមានការគោរពធំធេងណាស់ចំពោះគាត់ គាត់ធ្លាប់ឈ្នះពានជាច្រើន បង្កើតកីឡាករល្អៗហើយតែងតែងលេងបាល់បានល្អអស្ចារ្យ ដូច្នេះហើយអ្នកដឹងទេ ក្នុងនាមជាកីឡាករម្នាក់ដែលនៅទីនេះអ្នកអាចអភិវឌ្ឍន៍ខ្លួនហើយលេងតាមបែបនោះ”។
“ គាត់ជាមនុស្សដែលស្មោះត្រង់ជាមនុស្សដែលគួរឲ្យគោរពបំផុត ជាមនុស្សមានបុគ្គលិកលក្ខណៈល្អម្នាក់ហើយអ្នកគ្រប់គ្នាចង់លេងក្រោមការដឹកនាំរបស់គាត់”៕
