លោក Antonio Conte បាននិយាយពីភាពសោកស្ដាយរបស់លោកដែលលក់ Nemanja Matic ឲ្យទៅ Manchester United ក្នុងរដូវកាលដោះដូរកីឡាករ កាលពីដើមរដូវកាល។
Matic គឺជាបេះដូងរបស់ Chelsea ដែលបានជួយក្លឹបឈ្នះពាន Premier League កាលពីរដូវកាលមុន ប៉ុន្តែកីឡាករវ័យ ២៩ឆ្នាំត្រូវបានអនុញ្ញាតឲ្យមកចូលរួមជាមួយបិសាចក្រហមក្នុងតម្លៃ៤០លានផោនក្នុងរដូវកាល២០១៧/១៨នេះ។
សួរពីការប្រឈមជាមួយ Matic លោក Conteបានឆ្លើយតបថា៖”អំពីកីឡាករម្នាក់នេះ ខ្ញុំអាចនិយាយបានល្អព្រោះគាត់ធ្លាប់លេងជាមួយពួកយើងកាលពីរដូវកាលមុន”។
“ ខ្ញុំគិតថាគាត់ជាកីឡាករសំខាន់ម្នាក់ដែលជួយក្លឹបលើកពានកាលពីរដូវកាលមុន។ ពេលនេះ Matic កំពុងលេងឲ្យManchester United ខ្ញុំជូនពរគាត់ឲ្យជោគជ័យទៅអនាគត”។
“ពេលសួរថាហេតុអ្វីបានជាអនុញ្ញាតឲ្យ Matic ចេញពី Chelsea ទៅលេងនៅ United ហើយលោក Conte និយាយថា៖” ក្នុងអតីតកាលខ្ញុំបានគ្រប់គ្រងប្រធានបទនេះហើយ។ ខ្ញុំមិនចង់ត្រឡប់ក្រោយហើយនិយាយពីអនាគតនៅទេពីព្រោះខ្ញុំគិតថាវាមិនសំខាន់គ្មានអ្វីគួរឲ្យចាប់អារម្មណ៍ចំពោះពួកយើង”៕
