គ្រូបង្វឹកក្រុមបិសាចក្រហមManchester United លោក Jose Mourinho ត្រូវបានគេដឹងថាចាប់អារម្មណ៍នាំយក Jonny Evans ត្រឡប់មក Old Trafford វិញក្នុងតម្លៃត្រឹមតែ៣លានផោនប៉ុណ្ណោះ។
Evans ក្លាយជាកីឡាករសំខាន់របស់ West Brom ក្នុង២រដូវកាលដំបូងហើយរូបគេថែមទាំងបដិសេធសំណើពី Arsenal និងManchester City កាលពីឆ្នាំ២០១៧។ អញ្ចឹងក៏ដោយទម្រង់លេងរបស់ក្រុម West Brom រដូវកាលនេះបានធ្លាក់ចុះខ្លាំងហើយក្រុមទាំងមូលបានកាត់ចេញទៅលេងនៅក្របខ័ណ្ឌ Champions League ទៅហើយ។
ក្លឹប West Brom បានដាក់តម្លៃខ្លួន Evans ដល់ទៅ២៥លានផោនប៉ុន្តែតម្លៃនេះគ្មានប្រសិទ្ធិភាពនោះទេហើយរូបគេអាចចាកចេញពីក្លឹបដោយមានតម្លៃ៣លានផោនប៉ុណ្ណោះព្រោះក្លឹបនឹងធ្លាក់ចេញពី Premier League។
ក្រុមរបស់លោក Mourinhoជាក្រុមដែលមានប្រព័ន្ធការពារល្អលំដាប់ទី២ក្នុងរដូវកាលនេះប៉ុន្តែលោកចង់ពង្រឹងតំបន់នេះបន្ថែមទៀត ខណៈ Evans ជាជម្រើសល្អបំផុត។ អ្នកចាត់ការ Special One រូបនេះពិតសប្បាយចិត្តនឹងប្រព័ន្ធប្រយុទ្ធរបស់លោកហើយគេជឿថារដូវកាលក្រោយគ្មានខ្សែប្រយុទ្ធនាចូលនោះទេ។
អញ្ចឹងក៏ដោយគេជឿថាលោកនឹងកែប្រែងតំបន់ការពារហើយការមកដល់របស់ Evans អាចនឹងឲ្យ Marcos Rojo និងVictor Lindelof ដែលមកដល់កាលពីរដូវកាលមុនស្ថិតក្នុងហានិភ័យ៕
