យោងតាមសារព័ត៌មាននៅអេស្ប៉ាញបានចេញផ្សាយថា ក្រុមអធិរាជស Real Madrid ត្រៀមចាយលុយធំ៣០៧លានផោន (៤១១លានដុល្លារសហរដ្ឋអាមេរិក) ដើម្បីទិញយកខ្សែប្រយុទ្ធ Neymar ពី Paris Saint Germain មកកាន់ទឹកដីអេស្ប៉ាញវិញនារដូវកាលថ្មីនេះ។

ប្រធានក្លឹប Real Madrid លោក Florentino Perez កំពុងតែដុតដៃដុតជើងក្នុងការធ្វើឲ្យរឿងនេះកើតឡើងក្នុងពេលឆាប់ៗនេះ ហើយបើសិនជាពិតមែន Neymar នឹងបំបែកឯតទគកម្មក្នុងកំណត់ត្រានៃការផ្ទេរសារជាថ្មីម្តងទៀត ពោលគឺបន្ទាប់ពីការផ្ទេរមកពី FC Barcelona។

មាន​របាយការណ៍​ជា​ច្រើន បាន​លើក​ឡើង​ថា Neymar គ្រោង​ចាក​ចេញ​ពី​ក្លឹប​បារាំង PSG មក​ចូល​រួម​ជាមួយ Real Madrid នា​រដូវ​កាល​ក្រោយ ខណៈ PSG ម្ដង​ហើយ​ម្ដង​ទៀត បាន​ទាត់​ចោល​ពាក្យ​នេះ ដោយឡែកប្រធាន​ក្លឹប​វិញ ជឿ​ជាក់ ២០០០% ថា​កីឡាករ​ប្រេស៊ីល​នឹង​មិន​ចាក​ចេញ​ពី​ក្លឹប​នោះ​ទេ។