ខ្សែប្រយុទ្ធក្លឹប Manchester United កីឡាករ Anthony Martial បានមិនបានចាប់អារម្មណ៍ផ្ទេរទៅលេងនៅ Inter Milan នោះទេហើយរូបគេបានសម្រេចចិត្តប្រយុទ្ធយកដំណែងជម្រើសដំបូងនៅ Old Trafford នៅរដូវកាលក្រោយ។
កីឡាករសញ្ជាតិបារាំង ទទួលបានការប្រកួតមួយដ៏លំបាកក្នុងរដូវកាល២ទី២របស់ខ្លួន ក្រោមការដឹកនាំរបស់ Jose Mouinho ដោយទាត់បញ្ចូលទីបានត្រឹម៩គ្រាប់ក្នុង៤៥ដង។ ការចាប់អារម្មណ៍ Ivan Perisic របស់ Man Utdធ្វើឲ្យអនាគត Martial ស្ថិតក្នុងភាពមន្ទិល ហើយស្របពេលជាមួយគ្នានេះ ខាង Inter Milan ក៏ចង់បានកីឡាករវ័យ២០ឆ្នាំ រូបនេះ ទៅលេងនៅអ៊ីតាលីវិញដែរ។
គេបានដឹងថា Man Utd បានអនុញ្ញាតឲ្យ Martialសម្រេចចិត្តថាត្រូវចាកចេញឬនៅបន្ត ប៉ុន្តែអតីតកីឡាកររបស់ Monaco ជឿថាខ្លួនអាចប្រជែងយកជម្រើសដំបូងក្រោមគម្រោងរបស់លោក Jose Mourinho ហើយចង់នៅបន្តទៀត។ នេះបើតាម Independent គេនិយាយអញ្ចឹង។
កាលពីដើមខែមុនកីឡាករបារាំងរូបនេះ ក៏ត្រូវបាននិយាយបដិសេធមិនទៅលេងនៅក្លឹបកាំភ្លើងធំ Arsenal តាមបណ្ដាញសង្គម Twitter របស់ខ្លួន។ បិសាចក្រហម កំពុងតែមមាញឹកហ្វឹកហាត់ និងប្រកួតមិត្តភាពនៅអាមេរិក ហើយពួកគេនឹងត្រូវជួបក្រុមគូប្រជែងរួមទីក្រុង Manchester City នៅយប់ស្អែកនេះហើយ៕
