បាល់ទាត់៖ ប្រធានក្លឹប Real Madrid លោក Florentino Perez បានទទូចថា Real Madrid គួរតែស៊ីញេកុងត្រាយក Lionel Messi មកលេង ប៉ុន្តែដោយសារបញ្ហាមួយ ទើបលោកសម្រេចចិត្តបោះបង់គោលបំណងនេះចោល។
Messi មានវ័យ២៩ឆ្នាំ បានអភិវឌ្ឍន៍ខ្លួនក្លាយជាកីឡាករអស្ចារ្យបំផុតក្នុងលោកចាប់តាំងពីដំឡើងមកពីក្រុមយុវជនរបស់ Barcelona កាលពីឆ្នាំ២០០៤ដោយធ្លាប់ឈ្នះ Ballon d’Or ៥ដងពាន La liga ៨ដង និងChampions League ៤ដងរួមជាមួយពានដទៃទៀត។
Perez បាននិយាយថា Real Madrid មានក្ដីសុបិនចង់បាន Messi មកលេងនៅ Santiago Bernabeuតាំងនៅកុមារាម្លេះ ប្រសិនបើគាត់មិនមែនជាក្មេងម្នាក់ស្ថិតក្នុងការបណ្ដុះបណ្ដាលរបស់ Barcelona ។ ប៉ុន្តែ យ៉ាងណាក្ដីសុបិនមិនបានសម្រេចទេ ខណៈរូបគេបានទៅលេងនៅឈុតយុវជន BARCA កាលពីវ័យ១៣ឆ្នាំ។
“ ពិតណាស់!ពួកយើងគួរតែមាន Messi នៅ Madrid មុនម្ចាស់បាល់មាស Ballon d’Or និងអ្នករកគ្រាប់បាក់បានច្រើនជាងគេ (Ronaldo)។ ប៉ុន្តែគាត់បានចូលលេងក្នុងថ្នាលបណ្ដុះបណ្ដាលរបស់ Barca ហើយនេះជាមូលហេតុយើងមិនអាចយកគាត់មកបានហើយក៏មិនអាចកើតឡើងដែរ។” Perez និយាយក្នុង Onda Cero ។
រដូវកាលមុន Messi បានរក្សាថ្វីជើងបានល្អដោយរកគ្រាប់បាល់បាន៥៤គ្រាប់គ្រប់កម្មវិធីប្រកួត ជួយក្លឹបឈ្នះ Copa del Ray ប៉ុន្តេពួកគេត្រូវរបូតពាន La liga និងធ្លាក់ចេញពីពាន Champions League ត្រឹមវគ្គ៤ក្រុមចុងក្រោយ៕
