តាមប្រភព The Sun, Isco នឹងសម្លឹងមើលឱកាសទៅលេងនៅក្លឹបកំពូលតារាង Premier League គឺ Manchester City ដើម្បីដោះស្រាយបញ្ហាមិនសូវបានបង្ហាញខ្លួន ខណៈពេលនេះ ពេលវេលាចូលលេងរបស់គាត់នៅ Real Madrid កំពុងកាត់បន្ថយបន្តិចម្ដងៗ។
ខ្សែបម្រើសញ្ជាតិអេស្ប៉ាញ បានក្លាយជាចំណែកលើសក្រុមការដឹកនាំរបស់ Zidane នៅ Bernabeu ខណៈដែលមិត្តរួមក្រុម Marco Asensio និង Lucas Vazquez បានចូលលេងពេញៗ។ Isco បានចូលលេងជម្រើសដំបូង១៨ប្រកួត ព្រមជាមួយChampions League ៦ប្រកួតផងដែរក្នុងរដូវកាលនេះ ប៉ុន្តែរបាយការណ៍ក្នុងប្រទេសអង់គ្លេសបានបញ្ជាក់ថារដូវកាលក្រោយ អាចនឹងឃើញកីឡាករកំពូលញាក់បាល់រូបនេះ រើកាបូបខោអាវចេញពី Los Blancos។
ប្រសិនបើជាការពិត, Manchester City អាចនឹងជាជម្រើសជាក់លាក់របស់លោក Pep Guardiola ខណៈដែលគ្រូបង្វឹកអេស្ប៉ាញរូបនេះ ធ្លាប់បង្ហាញការចង់ខ្សែបម្រើម្នាក់នេះផងដែរ។ ដើម្បីយក Isco មកបាន ” Sky Blue” នឹងបំបែកកំណត់ត្រាដោះដូរកីឡាកររបស់ខ្លួន ជាមួយនឹងលុយ៧៥លានផោន និងលក្ខខ័ណ្ឌមួយចំនួនទៀតទើបអាចនាំយកមកកីឡដ្ឋាន Etihad បានស្រួល។
ខ្សែបម្រើវ័យ២៥ឆ្នាំរកបាន៥គ្រាប់ និងបញ្ជូនបាល់បាន៥ដងក្នុងលីគរដូវកាលនេះ ហើយរូបគេនឹងក្លាយជាកងទ័ពដ៏រឹងមាំក្នុងតំបន់បម្រើប្រយុទ្ធរបស់ Manchester City ជាមួយនឹងទេពកោសល្យដ៏គ្រោះថ្នាក់របស់ខ្លួន៕
