ដោះដូរកីឡាករក្នុងបាល់ទាត់៖ គេហទំព័រ អាណាចក្រកីឡា សូមសង្ខេបព័ត៌មានដោះដូរកីឡាករល្បីៗបំផុតប្រចាំថ្ងៃទី២០ ខែ មិថុនា ឆ្នាំ ២០១៧ ខណៈកីឡាករសំខាន់ៗមានដូចជា៖ Paulinho, Sachez, Diego Costa, Hazard…..ព្រមទាំងក្លឹប Real Madrid…ជាប់ទាក់ទងក្នុងព័ត៌មាននេះផងដែរ។
ប្រភពព័ត៌មាន The Sunday បានឲ្យដឹងថាខ្សែប្រយុទ្ធក្លឹប Chelsea ២រូបគឺ Eden Hazard និង Diego Costa នឹងចាកចេញពីក្លឹបនៅរដូវក្ដៅនេះហើយ។ Real Madrid កំពុងបង្កើនទំនុកចិត្តក្នុងចុះកុងត្រាយក Hazard ក្នុងតម្លៃ១០០លានផោន ខណៈពេលដែល Costaចង់ចាកចេញពីអង់គ្លេស ហើយរូបគេអាចនឹងទៅចូលរួមជាមួយក្លឹបនៅលីកកំពូលចិន។
ក្លឹបយក្សអាល្លឺម៉ង់ Bayern Munich កំពុងទាក់ទងពិភាក្សា ជាមួយខ្សែបម្រើ Paulinho របស់ជម្រើសជាតិប្រេស៊ីល និងក្លឹប Guangzhou Evergrande ដើម្បីធ្វើការផ្ទេរនៅរដូវក្ដៅនេះ។ ប្រភព RMC និយាយថា អតីតកីឡាកររបស់ Spurs បង្ហាញទម្រង់លេងទាក់ភ្នែកលោក Carlo Ancelotti ហើយលោកជឿថារូបគេអាចជួយតំបន់បម្រើរបស់ Bayern បានច្រើន។
ចំណែកក្លឹប Man City វិញកំពុងនាំមុខគេ ក្នុងចុះកុងត្រាជាមួយខ្សែប្រយុទ្ធជម្រើសជាតិឈីលី Alexis Sanchez ពីក្រុមកាំភ្លើងធំ នេះបើតាមប្រភពពីកាសែតប្រចាំថ្ងៃឈីលី Cooperativa ។ ក្រុមរបស់លោក Pep Guardiola បានរៀបចំលុយ៥០លានផោនទិញ Sanchez ខណៈកីឡាករវ័យ២៨ឆ្នាំ កំពុងមិនសប្បាយចិត្តជាមួយ Arsenal។
Real Madrid បានរៀបចំរួចហើយ ក្នុងការលក់កីឡាករម្នាក់ក្នុងចំណោម៣នាក់ ដែលស្ថិតក្នុងប្រព័ន្ធ BBC ហើយកីឡាករមានភាគរយខ្ពស់ជាងគេគឺ Gareth Bale ។នេះបើតាមប្រភពកាសែតអេស្ប៉ាញ Don Balon។ ថ្នាក់ដឹកនាំរបស់កីឡដ្ឋាន Santiago Bernabeu ចង់ពង្រឹងតំបន់ប្រយុទ្ធសារជាថ្មីបន្ទាប់ពី Gareth Bale មិនបានបង្ហាញទម្រង់លេងល្អហើយថែមតាំងរបួសញឹកញាប់ទៀត៕
ប្រភព៖ Goal Summary.
