Alexis Sanchez បានចុះកុងត្រាផ្លូវការជាមួយ Manchester United កាលពីយប់ហើយៗគ្រប់យ៉ាង ក៏យើងមិនបកស្រាយច្រើនដែរ ប៉ុន្តែការមកដល់ភ្លាមកីឡាករជម្រើសជាតិស៊ីលីបានប្រាប់លោក Jose Mourinho ឲ្យដាក់រូបគេលេងក្នុងតំបន់នេះ។
កីឡាករវ័យ២៩ឆ្នាំបានបង្ហាញភាពទម្រង់លេងដែលអាចកាន់តួនាទីបានច្រើនដំណែងលើទីលាន ពិសេសកាលនៅArsenal ប៉ុន្តែខ្សែប្រយុទ្ធម្នាក់នេះជឿថា គាត់នឹងផ្ដល់ភាពគ្រោះថ្នាក់ដល់គូប្រកួតខ្លាំងបំផុតក្នុងតំបន់ប្រយុទ្ធស្លាបឆ្វេង។
“ខ្ញុំជាកីឡាករដែលចូលចិត្តឈ្នះគ្រប់យ៉ាង។ ខ្ញុំមានជំនាញវិជ្ជាជីវៈគ្រប់យ៉ាងដែលខ្ញុំធ្វើ។ ខ្ញុំរស់នៅសម្រាប់បាល់ទាត់ខ្ញុំស្រឡាញ់បាល់ទាត់នេះគឺជាអ្វីដែលខ្ញុំងប់ងុល”។ Sanchez និយាយក្នុងMUTV។
“ ខ្ញុំហ្វឹកហាត់ខ្លាំងរាល់ថ្ងៃហើយបន្ទាប់ពីការប្រកួតខ្ញុំព្យាយាមស្វែរកអ្វីដែលល្អហើយអាចពង្រឹងបន្ថែមទៀត។ខ្ញុំចូលចិត្តលេងក្នុងតំបន់ខាងឆ្វេងកាត់ទៅកណ្ដាល ប៉ុន្តែនិយាយប្រាប់អ្នកដោយត្រង់ទៅចុះ មិនថាខ្ញុំលេងបាល់យូរបានប៉ុណ្ណោះ ខ្ញុំនឹងមាំមួនគ្រប់កន្លែង!”។
#Alexis7 – ready for Old Trafford!
See more: https://t.co/OlCnkoPp15 pic.twitter.com/7Mm8bbvunT
— Manchester United (@ManUtd) January 22, 2018
Alexis បានចុះកុងត្រាជាមួយMan Utd ដែលកុងត្រានេះបានឲ្យគេក្លាយជាកីឡាករមានប្រាក់ឈ្នួលខ្ពស់ជាងគេបំផុតក្នុង Premier League ហើយគាត់អាចលេងដំបូងនៅថ្ងៃសុក្រនេះក្នុងពានFA Cup ជើទីបួនជាមួយ Yeovil Town៕
