លោក Monchi ប្រធានក្លឹប Roma បានរើសយក Manchester City គឺជាក្លឹបខ្លាំងជាងគេបំផុតក្នុង Champions League ដូវកាលនេះ ហើយលោកមិនចង់ជួបបន្ទាប់ក្រុមមកពីអង់គ្លេសនេះ ក្នុងវគ្គ៨ក្រុមចុងក្រោយទេ។
ក្រុមខ្លាំងអ៊ីតាលីដែលបង្វឹកដោយលោក Eusebio Di Francesco’s បានទម្លាក់ Shakhtar Donetsk ដោយគ្រាប់បាល់ក្រៅដីឡើងមកវគ្គ៨ក្រុមចុងក្រោយ ហើយពួកគេនឹងត្រៀមជួបក្រុមគីឡូធ្ងន់ៗដល់ទៅ៧ទៀតដែលបានឡើងមកវគ្គនេះដែរ។
ប៉ុន្តែ Monchi ជឿថា City កំពុងតែខ្លាំង ជាក្រុមគ្រោះថ្នាក់បំផុត សូម្បីតែម្ចាស់ការពារដំណែងជើងឯក Real Madrid ក៏យ៉ាប់ដែរ។
“ វាពិតជាពិបាក ដើម្បីមើលថាក្រុមណាល្អជាងគេបំផុត។ ពួកគេសុទ្ធតែពិបាកទាំងអស់។ Real Madrid ធ្លាប់ឈ្នះពានគ្រប់យ៉ាង ប៉ុន្តែសម្រាប់ខ្ញុំ Manchester City គឺជាក្រុមខ្លាំងជាងគេបំផុត”។
“ ខ្ញុំគិតថាការឡើងមកដល់វគ្គនេះ មានន័យថាក្រុមយើងក៏ខ្លាំងដែរ ប៉ុន្តែយើងកំពុងរងចាំថា យើងនឹងជួបមួយណា?”៕
