ការរំពឹងជួប Barcelona ក្នុងវគ្គផ្ដាច់ព្រ័ត្រពាន Champions League ពិតជាគួរឲ្យចាប់អារម្មណ៍សម្រាប់ Raphael Varane ប៉ុន្តែយ៉ាងណារូបគេចង់ជួបក្រុមគូរប្រជែងក្នុងលីកមួយនេះនៅវគ្គ៨ក្រុមច្រើនជាង។
ការចាប់គូវគ្គ៨ក្រុមចុងក្រោយ Champions League នៅល្ងាចនេះ នឹងដឹងថាក្រុមមួយណានឹងត្រូវប៉ះក្រុមណាហើយខណៈខ្សែការពារជម្រើសជាតិបារាំងក៏មិនចង់ជួបក្រុមមកពីអេស្ប៉ាញដូចគ្នាដែរ។
“ខ្ញុំមិនចង់លេងជាមួយក្រុមមកពីអេស្ប៉ាញដូចគ្នានោះទេ ក្នុង Champions League គឺយើងចង់ជួបក្រុមផ្សេងៗជាង។ បើជៀសមិនផុតទេ យើងត្រូវតែលេង ហើយបើជៀសផុតពិតជាប្រសើរណាស់។ វាពិតជាល្អបើប៉ះ Barcelona ក្នុងវគ្គផ្ដាច់ព្រ័ត្រ ប៉ុន្តែខ្ញុំចង់ជួបនៅវគ្គ៨ក្រុមជាង”។
“ កាលពីឆ្នាំមុនក្នុងលីគយើងបានឈ្នះការប្រកួតនៅវគ្គចុងក្រោយច្រើន ហើយឆ្នាំនេះគឺជារឿងមួយផ្សេងទៀត។ នោះហើយគឺជាបាល់ទាត់ វាតែងតែកើតឡើងអញ្ចឹង បើយើងមិនជួបវិបត្តិទេ យើងក៏មិនអាចកែប្រែចំណុចមិនល្អរបស់ក្រុមបានដែរ”៕
