គ្រាប់បាល់បើកឆាករបស់ Messi ក្នុងពានរង្វាន់ Copa del Ray វគ្គផ្ដាច់ព្រ័ត្រកាលពីឆ្នាំ២០១៥ ពិតជាល្អកម្ររកបានបំផុតហើយមកដល់ពេលនេះ ទោះបីជាវាបានកន្លងផុតរយៈពេល១៨ខែទៅហើយក្ដី អ្នកជំនាញនៅតែលើមកជាប្រធានបទពិភាក្សាវែកញែក។
គ្រាប់បាល់នេះត្រូវបានគេជ្រើសរើសជាគ្រាប់បាល់ល្អបំផុតក្នុងប្រវត្តិសាស្រ្តបាល់ទាត់សម័យទំនើបរបស់ Barcelona តាមការបោះឆ្នោតរបស់ប្រិយមិត្តអ្នកអានកាសែតប្រចាំទស្សនាវដ្ដីរបស់ទឹកដី Catalan, Sport English។ ហើយវាក៏ជាគ្រាប់បាល់ក្នុងបញ្ជីបេក្ខភាព 2015 Puskas Award ខណៈមកដល់ឥឡូវអ្នកវិទ្យាសាស្រ្តយកមកធ្វើជាប្រធានបទសម្រាប់សិក្សា។
Messi contra el Athletic Bilbao. Copa del Rey 2015 una joya arquitectónica cortesía de su Majestad. pic.twitter.com/uceX4zfDVa
— gianni rosellino (@gianniroselino) October 28, 2017
តារាបាល់ទាត់សញ្ជាតិអាហ្សង់ទីន បានធ្វើឲ្យគូរប្រកួតរបស់ខ្លួនខកចិត្តមិនស្ទើរទេ មុនពេលទាត់ផ្ដាច់ចង្កេះអ្នកចាំទី Iago Herrerin (Atletico Bilbao) ពីចំហៀងទី ខណៈការបញ្ចប់គ្រាប់បែបនេះ ត្រូវបានគេចាត់ទុកថាមានភាពវៃឆ្លាតបំផុត។
បើតាមលទ្ធផលនៃការសិក្សា Messi រត់ចម្លាយ៥៥ម៉ែត្រក្នុងរយៈពេល១១.៤វិនាទី(៣២គីឡូម៉ែត្រក្នុងមួយម៉ោង)។
រូបគេចំណាយ២.៧វិនាទីគ្រប់គ្រង់បាល់ មុនពេលទប់បន្តិច ហើយញាក់ផ្ដាច់គូប្រកួត៣នាក់ត្រឹមតែ៣ប៉ះក្នុងរយៈពេល ១.២វិនាទី មុនពេលជ្រែកចូលក្នុងតំបន់គ្រោះថ្នាក់ និងញាក់ខ្សែការពារម្នាក់ទៀត។ ចំណែកគិតពីល្បឿនទាត់បាល់បញ្ជូលទីគឺ៧៧គីឡូម៉ែត្រក្នុងមួយម៉ោងចេញពីជ្រុងបន្ទាត់ទីខាងមុខ១.៥មីលីមែត្រប៉ុណ្ណោះ។
វីដេអូខាងក្រោមបញ្ជាក់ប្រិយមិត្តច្បាស់៖
[youtube id=”ENzCTtSn8AE”]
