ក្លឹបបិសាចក្រហមManchester United បានបំបែកធនាគាររបស់យកលុយ១៣៦លានផោន ទិញយកខ្សែប្រយុទ្ធ២រូបគឺ Gareth Bale ពី Real Madrid និង Antonio Griezmman ពីក្លឹប Atletico Madrid ។នេះបើតាមប្រភព The Sun ។
ក្រុមរបស់លោក Jose Mourinho មិនបានបោះបង់ការចាប់ការចាប់អារម្មណ៍ចង់បាន Super Star របស់ Real Madrid នោះទេទោះបីជារូបរបួសមិនទាន់ជាសះស្បើយហើយមិនសូវបានលេងក៏ដោយ។ មិនគ្រប់គ្រាន់សម្រាប់ Man Utd, ពួកគេក៏បានបើកការចែចង់ខ្សែប្រយុទ្ធ Griezmmanម្ដងទៀត។
Bale កំពុងរបួសហើយធ្វើឲ្យគាត់ខកខានការប្រកួតដល់៤០%នៃកាលវិភាគរបស់ក្លឹបចាប់តាំងពីមកចូលរួមជាមួយស្ដេចសកាលពីឆ្នាំ២០១៣។ បញ្ហានេះមិនបានបញ្ឈប់ភាពស្រេកឃ្លានរបស់ Man Utd បានទេ។ ទោះបីជាគាត់មានវ័យ២៨ឆ្នាំ ក៏ចង់ត្រឡប់ទៅលេងនៅ Premier League។នៅ Real Madrid កីឡាកររូបនេះ ក៏ទទួលបានជោគជ័យដែរ ដោយរូបគេជួយក្លឹបលើកពាន Champions League ៣ដងហើយ បើនិយាយពីកុងត្រារបស់នឹងផុតកំណត់នៅឆ្នាំ២០២២។
លោក Jose Mourinho ដែលបានចំណាយលុយជាង៣០០លានផោនក្នុងការមកដឹកនាំនៅ Old Trafford ក្នុងរយៈពេល១៨ខែកន្លងមក ក៏នៅតែមិនបំភ្លេចខ្សែប្រយុទ្ធម្នាក់ទៀតគឺ Griezmman ។ កីឡាករវ័យ២៦ឆ្នាំ ហាក់ពិបាកបង្ហាញទម្រង់លេងបន្តិចនៅរដូវកាលនេះ ក្រោយរកគ្រាប់បាល់មិនសូវបាន។ រូបគេធ្លាប់ត្រូវបិសាចក្រហមចង់បានម្ដងហើយកាលពីឆ្នាំមុន ប៉ុន្តែបដិសេធដោយសារក្លឹបរបស់ខ្លួនជាប់បម្រាមរបស់ FIFA។
កុងត្រារបស់កីឡាករបារាំងផុតកំណត់នៅឆ្នាំ ២០២១ដូចគ្នា ប៉ុន្តែ Man Utd នឹងឲ្យតម្លៃខ្លួនខ្ពស់បើរូបគេមក Old Trafford។ តម្លៃផ្ដាច់កុងត្រារបស់ Griezmman គឺ៨៦លានផោនហើយហើយគ្រូបង្វឹកសញ្ជាតិនព័រទុយហ្គាល់ តែចង់បាន ដើម្បីដណ្ដើមដំណែងជើងឯក Premier League ពិសេសប្រឡូកក្នុងពាននរង្វាន់ Champions League ដែលខ្លួនកំពុងតែបង្ហាញទម្រង់លេងល្អ៕
