រឿងល្ខោនដោះដូរកីឡាករទាក់ទងនឹង Neymar មានឈុតឆាកថ្មីទៀតហើយក្រោយពេលខ្សែបម្រើ Real Madrid កីឡាករ Casemiro ស្វាគមន៍មិត្តរួមក្រុមជម្រើសជាតិប្រេស៊ីលរូបនេះមកលេងនៅ Real Madrid។
ខ្សែបម្រើជំនាញចុះជួយការពាររូបនេះបានជឿជាក់ថារូបគេរកមិនឃើញចំណុចណាមួយដែល Neymar មិនអាចលេងនៅ Real Madrid មិនបាននោះទេ ហើយរូបគេនឹងស្វាគមន៍ Super Star របស់ Barcelona រូបនេះយ៉ាងពេញចិត្ត។
“ ហេតុអ្វីគាត់មិនអាចលេងនៅទីនេះជាមួយ Real Madrid? គាត់គួរតែទទួលបានការស្វាគមន៍យ៉ាងកក់ក្ដៅពីពួកយើងទាំងអស់គ្នា” Casemiro និយាយក្នុងគេហទំព័រ Globoeaport កាលពីថ្ងៃច័ន្ទ។
“ Neymar កឺជាកីឡាករអស្ចារ្យម្នាក់ ខ្ញុំពិតជាពេញចិត្តនូវអ្វីដែលគាត់មាន។ គាត់ទទួលបានការផ្ដល់ដំបូន្មានពីឪពុករបស់គាត់យ៉ាងល្អពីព្រោះឪពុកគាត់ជាមនុស្សល្អម្នាក់ហើយដឹងនូវអ្វីគ្រប់យ៉ាងដែលគាត់ធ្លាប់ធ្វើ។មិនថាគាត់នៅបន្ត ឬចាកចេញខ្ញុំជូនពរគាត់ឲ្យមានសំណាងល្អក្នុងពិភពលោក”។
Real Madrid កំពុងនៅសហរដ្ឋអាមេរិក ដោយមមាញឹកក្នុងការរៀបចំក្រុមប្រកួតមិត្តភាពមុនបើករដូវកាល និងស្វែងរកយុទ្ធសាស្ត្រថ្មី៕
