ខ្សែបម្រើ Real Madrid កីឡាករ Toni Kroos កំពុងសម្រេចចិត្តពីការផ្ទេរមកលេងនៅ Manchester United នៅរដូវដោះដូរកីឡាករបើកម្ដងទៀតពេលចប់រដូវកាលនេះបន្ទាប់ពេលក្លឹបមួយនៅ Premier League ដាក់សំណើទៅរួចហើយ។
ប្រភពពីអេស្ប៉ាញ Don Balon បាននិយាយថា Manchester United ចង់បានខ្សែបម្រើ Real Madrid មកជួយក្រុមដើម្បីប្រជែងពាននៅរដូវកាលក្រោយ។ខ្សែបម្រើជម្រើសជាតិអាល្លឺម៉ង់ក៏បានដឹងថាស្ថិតក្នុងរ៉ាដារបស់លោក Jose Mourinho ខណៈគ្រូបង្វឹកវ័យ៥៤ឆ្នាំកំពុងរកអ្នកមកជំនួស Michael Carrick ។
Kroos ធ្លាប់បានបដិសេធMan Utd កាលពីរដូវក្ដៅឆ្នាំ២០១៤ដោយសុខចិត្តទៅ Real Madrid ជំនួសវិញ។ហើយពេលនេះកីឡាករវ័យ២៨ឆ្នាំកំពុងពិចារណាពីព្រោះតែសំណើបានទៅដល់លើតុរបស់គាត់ទៅហើយនោះ។ ខ្សែបម្រើរបស់ Man Utd ប្រហែលជាចាកចេញពីក្លឹបច្រើនមានដូចជា Fellaini, Herrera…ខណៈកន្លែង Carrick ទំនេរមួយទៅហើយនោះ។
ប្រភពដដែលបានបន្តថា Kroos ក៏មានបំណងមកសាងស្នាដៃនៅ Premier League ផងដែរ ខណៈដែលអាជីពនៅBundesliga, La Liga សុទ្ធតែជោគជ័យរួចមកហើយនោះ៕
