ក្នុងការប្រកួត El Clasico កាលពីថ្ងៃសៅរ៍ Real Madrid បានចាញ់ Barcelona ៣ទល់០ធ្វើឲ្យក្ដីសង្ឃឹមរក្សាដំណែងជើងឯក La liga របស់ស្ដេចស ហាក់កាន់តែពិបាកតែអ្វីដែលភ្ញាក់ផ្អើលបំផុតនោះគឺ Mateo Kovasic ចូលលេងជម្រើសដំបូង១១នាក់ជំនួស Isco។
វត្តមានក្នុងជម្រើសដំបូង១១នាក់របស់ខ្សែបម្រើសញ្ជាតិក្រូអាតរូបនេះ គឺពិតជាភ្ញាក់ផ្អើលមែនទែន ក្រោយជាពីរបួសរយៈពេលយូរហើយត្រូវលោក Zidane ទុកចិត្តខ្លាំងដាក់ឲ្យលេងឈុតដំបូង។ មូលហេតុដែលលោកសម្រេចចិត្តបែបនេះគឺដោយសារកីឡាករមានសមត្ថភាពអាចបិទ Messi មិនឲ្យក្រឡុកការប្រកួតតាមចិត្ត ហើយលទ្ធផលរូបគេធ្វើបានល្អ បើទោះបីជាក្រុមចាញ់ក៏ដោយ។
តាមប្រភព Opta បានបង្ហាញស្ថិតិនៃការបញ្ជូនបាល់របស់ខ្សែប្រើវ័យ២៤ឆ្នាំគឺពិតជាល្អឥតខ្ចោះតែម្ដង ដោយបញ្ជូននិងប៉ះសេបាល់២៤ជោគជ័យទាំង២៤ដងក្នុងការប្រកួតនេះ។
100% – Mateo Kovacic is the only player with a 100% passing accuracy in the first of #ElClasico (24/24 passes completed). Calm. pic.twitter.com/GBeZ4jDZHk
— OptaJose (@OptaJose) December 23, 2017
ស្ថិតិនេះមានន័យថា Mateo Kovasic គឺជាកីឡាករតែម្នាក់គត់ដែលទទួលជោគជ័យក្នុងការបញ្ជូនបាល់១០០%ជោគជ័យក្នុងការប្រកួតEl Clasico៕
