ពានរង្វាន់បាល់ទាត់កម្រិតពិភពលោក Confederations Cup ដែលជាពានរង្វាន់កម្តៅសាច់ដុំមុនការប្រកួតជើងឯកពិភពលោក 2018 FIFA World Cup Russia នឹងរកឃើញ២ក្រុមចុងក្រោយឡើងទៅវគ្គពាក់កណ្ដាលផ្ដាច់ព្រ័ត្រ នៅយប់ថ្ងៃអាទិត្យ នេះ ខណៈក្រុមជម្រើសជាតិឈីលី និងក្រុមជម្រើសជាតិអាល្លឺម៉ង់ ទំនងមានប្រៀបជាងគេក្នុងពូល B។
ម្សិលមិញក្រុម២ដែលឡើងទៅអង្គុយចាំក្នុងវគ្គពាក់កណ្ដាលផ្ដាច់ព្រ័ត្រមុនមានព័រទុយហ្គាល ដែលតំណាងមកពីទ្វីបអឺរ៉ុប និងក្រុមម៉ិចស៊ីកូ តំណាងអោយទ្វីបអាមេរិកខាងជើង។ ពានរង្វាន់ដែលត្រៀមប្រាក់រង្វាន់៥លានដុល្លារអាមេរិកសម្រាប់ក្រុមជើងឯកមួយនេះ នឹងបញ្ចប់វគ្គជម្រុះតាមពូលនៅយប់នេះដោយក្រុមជម្រើសជាតិអាល្លឺម៉ង់ ដែលជាជើងឯកពានរង្វាន់ 2014 FIFA World Cup Brazil ត្រូវប៉ះក្រុមកាម៉េរ៉ូន ដែលជាជើងឯកពានរង្វាន់ទ្វីបអាហ្វ្រិក វេលាម៉ោង១០យប់នេះ លើទីលានកីឡដ្ឋាន Fisht Olympic Stadium ក្នុងទីក្រុង Sochi ក្រោមការកាត់សេចក្តីពីសំណាក់លោកអាជ្ញាកណ្ដាល Wilmar Roldan ជនជាតិកូឡុំប៊ី។
ចំណែក១គូទៀតគឺក្រុមឈីលី ជាជើងខ្លាំងមកពីទ្វីបអាមេរិកខាងត្បូង ត្រូវជួបក្រុមជម្រើសអូស្រ្តាលី ដែលជាម្ចាស់ជើងឯកទ្វីបអាស៊ី នៅវេលាម៉ោង១០យប់តំណាលគ្នានេហដែរលើទីលានកីឡដ្ឋាន Otkrytiye Arena ក្នុងទីក្រុងម៉ូស្គូ ក្រោមការកាត់សេចក្តីដោយលោកអាជ្ញាកណ្ដាល Gianluca Rocchi ជនជាតិអ៊ីតាលី។
ព្យាករណ៍របស់វិបសាយអាណាចក្រកីឡាគឺ៖
-អាល្លឺម៉ង់ ២-០ កាម៉េរ៉ូន
-ឈីលី ៣-១ អូស្រ្តាលី
