ខណៈពេលដែល Cristiano Ronaldo ឈានចូលវ័យ៣៣ឆ្នាំ ហើយគូរប្រជែងរបស់គាត់ Lionel Messi ក៏មានវ័យជិត៣១ឆ្នាំទៅហើយនោះ វាពិតជាសំខាន់ដែលត្រូវបានកីឡាករវ័យក្មេងមកស្នងដំណែងនិងប្រជែងយកពាន Balon d’Orដែលគេដឹងថាជាពានសម្រាប់កីឡាករល្អបំផុតប្រចាំឆ្នាំ។ តើយុវជនវ័យក្មេងរូបណាអាចជំនួសដំណែងកីឡាករវ័យចំណាស់ទាំងពីរ?
Kylian Mbappe (PSG)
កីឡាករជម្រើសជាតិបារាំងវ័យក្មេង នឹងក្លាយជាកីឡាករកីឡាករមានតម្លៃខ្លួនខ្ពស់ជាងគេបំផុតលំដាប់ទី៣ ក្នុងប្រវត្តិសាស្ត្របាល់ទាត់ ពេលដែលរូបគេចុះកុងត្រាអចិន្ត្រៃយ៍ជាមួយក្លឹបក្នុងរដូវក្ដៅនេះ។ ក្លឹបមានមានមូលដ្ឋាននៅទីក្រុងប៉ារីសមានបំណងចំណាយលុយ១៤៥លានអឺរ៉ូ ជាមួយនឹងប្រាក់បន្ថែម៣៥លានអឺរ៉ូ រួមទាំងលុយលក្ខខណ្ឌ២០លានផោនទៀតបើកីឡាកររូបនេះ ឈ្នះពាន Ballon d’Or។ ផ្អាកនិយាយរឿងលុយ ហើយនិយាយរឿងទម្រង់លេងម្ដង។ កីឡាករវ័យ១៩ឆ្នាំរកបានគ្រាប់បាល់១៥គ្រាប់គ្រប់ការប្រកួតឲ្យ PSG រដូវកាលនេះ។ ទម្រាំចប់រដូវកាលរូបគេអាចអាចបំបែកកំណត់ត្រាគ្រាប់បាល់ទាំង២៦គ្រាប់ដែលរូបគេរកបានពេលជាកីឡាករអាជីពដំបូងនៅ Monaco កាលពីរដូវកាល២០១៦-២០១៧។
Marco Asensio (Real Madrid )
បន្ទាប់ពីចំណាយពេល១រដូវកាលលេងខ្ចីជើងនៅ Espanyol ក្នុងរដូវកាល២០១៥-២០១៦ Asensio បានរីកចម្រើនយ៉ាងឆាប់រហ័សក្រោមការដឹកនាំរបស់លោក Zidane ហើយបើទោះបីជាមិនសូវបានលេងច្រើននៅរដូវកាលនេះ ហើយក្លឹបធ្លាក់ទាំងមូលធ្លាក់ជើងផងនោះ កីឡាករវ័យក្មេងជម្រើសជាតិជាតិអេស្ប៉ាញនៅតែអាចរកបាន១៨គ្រាប់គ្រប់ការប្រកួតឲ្យស្ដេចសក្នុងរយៈពេលមួយរដូវកាលកន្លះហើយរូបគេនឹងជាតារាជំនួស Ronaldo ពេលចាស់ទៅ។
Jadon Sancho (Borussia Dortmund)
ខ្សែប្រយុទ្ធស្លាបជម្រើសជាតិអង់គ្លេសវ័យក្មេងរូបនេះបានផ្ទេរចេញពីយុវជនថ្នាលរបស់ Manchester City ទៅលេងក្នុងឈុតធំរបស់ក្រុម Dortmund ក្នុងឆ្នាំ២០១៧ហើយក៏គ្មានគោលបំណងត្រឡប់មកវិញដែរ។ Sanchoត្រូវបានបោះឆ្នោតឲ្យក្លាយជាកីឡាករល្អបំផុតក្នុងការប្រកួតដែលអង់គ្លេសU17ត្រូវបានក្រុមអេស្ប៉ាញU17 យកឈ្នះក្នុងពានរង្វាន់ U17 European Championship វគ្គផ្ដាច់ព្រ័ត្រក្នុងខែឧសភាឆ្នាំ២០១៧ហើយក៏បានក្លាយជាកីឡាករល្អបំផុតក្នុងពានរង្វាន់ FIFA World Cup U17នៅ៦ខែក្រោយមក។
Sancho បានបង្ហាញខ្លួនឲ្យឈុតធំ Dortmund បាន៥ប្រកួតហើយបញ្ជូនបាល់ឲ្យសិស្សច្បងក្នុងការប្រកួតដែលក្លឹបស្មើជាមួយ Hertha Berlin កាលពីខែមករា។បច្ចុប្បន្ននេះរូបគេត្រូវបានគេរំពឹងថាជាកីឡាករមានអនាគតល្អមិនចាញ់សិស្សច្បង Messi និង Ronaldo នោះទេ។
Gabriel Jesus (Manchester City)
ទោះបីជាកំពុងមានរបួស ក្នុងរដូវកាលនេះ Jesus នៅតែបង្ហាញថារូបគេជាកីឡាករមានសក្ដានុពលទៅអនាគតពិសេសការប្រកួតក្នុងWorld Cup 2018 ជាមួយជម្រើសជាតិប្រេស៊ីល។ ពេលនេះរូបគេរកបាន៧គ្រាប់ក្នុងចំណោម១២០ប្រកួតឲ្យMan City នៅរដូវកាលនេះហើយមិនយូរទេ រូបគេនឹងលេចធ្លោលើស Neymar៕
ប្រភព៖ Besoccer.com
