ខ្សែប្រយុទ្ធអេស្ប៉ាញ Alvaro Morata បានបង្ហាញសមត្ថភាពបញ្ចប់ទីដោយប្រើក្បាលយ៉ាងល្អកាលពីយប់មិញ ក្រោយរកបានមួយគ្រាប់ដោយការតែតបញ្ចូលទីពីចម្ងាយឲ្យ Chelsea ឈ្នះ Manchester United ក្នុងកីឡដ្ឋាន Stamford Bridge ។
គ្រាប់បាល់នោះ! បានមកពីការប្រើក្បាលសម្រេចទីចម្ងាយ១២យ៉ាត(១១.៩ម៉ែត្រ)ក្រោយទទួលបានបោះកាត់ពីខ្សែការពារស្លាប Cesar Azpilicueta ហើយគ្រាប់បាល់នេះមានន័យថារួបគេមានស្ថិតិគ្រាប់បាល់ដោយប្រើក្បាលល្អជាងគេនៅអឺរ៉ុប។
ក្នុងរដូវកាលនេះ កីឡាកររបស់ Chelsea រកបាន៨គ្រាប់ហើយរួមទាំងគ្រាប់បាល់ជាមួយបិសាចក្រហម ខណៈ៥គ្រាប់ក្នុងចំណោម៨នេះ រកបានដោយប្រើក្បាល។ ស្ថិតិនេះមានន័យថាអតីតខ្សែប្រយុទ្ធ Real Madrid មានស្ថិតគ្រាប់បាល់ដោយប្រើ ក្បាលលើសខ្សែប្រយុទ្ធ Monaco កីឡាករ Radamel Falcao និងRodrigo របស់ Valencia ដោយខ្សែប្រយុទ្ធតាំងពីររកបាន៤គ្រាប់។ ប៉ុន្តែគ្រាប់បាល់ចុងក្រោយនេះធ្វើឲ្យរូបគេកាន់ដំណែងលើគេនៅតំបន់អឺរ៉ុប។
បើនិយាយស្ថិតិ២រដូវកាលក្រោយមានតែខ្សែប្រយុទ្ធក្លឹប Torino កីឡាករ Andres Belotti ប៉ុណ្ណោះដែលជិតតាមទាន់កំណត់ត្រារបស់ Morataគឺ១០គ្រាប់ខណៈអតីតកីឡាកររបស់ Juvenus បាន១១គ្រាប់៕
ប្រភព៖ Besoccer
