ខ្សែប្រយុទ្ធ Gareth Bale សម្លឹងឃើញក្លឹបបាល់ទាត់មួយដែលរូបគេចង់មកលេងក្រោយពេលចាកចេញពី Real Madrid ប៉ុន្តែខាងក្លឹបមិនចង់លក់កីឡាករសញ្ជាតិវេលរូបនេះចេញទេ។
អតីតខ្សែប្រយុទ្ធស្លាបរបស់ Tottenham រូបនេះគឺជាគោលដៅរបស់រយៈរបស់បិសាចក្រហម ហើយពួកគេចង់ឲ្យកីឡាករចាកចេញពី Los Blancos វិញ។ បែបណាក្ដី! ខ្សែប្រយុទ្ធនឹងមិនប្ដូរមកលេងនៅអង់គ្លេសវិញក្នុងរដូវក្ដៅនេះទេ ដោយ Zinedine Zidane មានគោលបំណងច្បាស់លាស់រក្សាទុកនៅ Real Madrid ។
តាមពិតទៅ United បានសម្លឹងឃើញកីឡាកររូបនេះ តាំងពីលេងនៅ Spurs ម្លេះ តែតាមប្រភព Daily Star បានបញ្ជាក់ថា Bale អាចនឹងលេងនៅ Old Trafford ខណៈក្រុមរបស់លោក Jose Mourinho ចង់បានឲ្យរូបគេចាកចេញពី Santiago Bernabeu ។
អញ្ចឹងក៏ដោយចុះ! ប៉ុន្តែ Real Madrid គ្មានបំណងលក់នោះទេ ទោះបីក្នុងគោលបំណងបែបណាក៏ដោយ ហើយក្លឹបមានគម្រោងដំឡើងឲ្យមកលេងក្នុងជម្រើសដំបូងវិញ ពេលរដូវកាលថ្មីបានមកដល់ ខណៈកីឡាករវ័យ២៨ឆ្នាំនៅតែជាសមាជិកសំខាន់ដដែលរបស់លោក Zidaneទោះបីជាមានទទួលការរងរបួសរយៈពេលយូរក្ដី ៕
