ខ្សែបម្រើឆ្នើមរបស់ក្រុមមេឃខៀវ Manchester City គឺកីឡាករ Kevin De Bruyne បានកោតសរសើរដល់ ខ្សែប្រយុទ្ធក្រុមហង្សក្រហម Mohamed Salah ថា ជាកំពូលកីឡាករដ៏ល្អម្នាក់ និង សាកសមឈ្នះពានកីឡាករល្អប្រចាំ Player of the Year ថែមទៀត។ De Bruyne ថែមទាំងបានបោះឆ្នោតគាំទ្របេក្ខភាពម្ចាស់ពានPFA នេះថែមទៀត។

ក្នុងរដូវកាលនេះ​ De Bruyne មានភាគរយច្រើនមែនទែននិងឈ្នះពាន Premier League ដោយសារតែបានចូលរួមជួយក្រុមយ៉ាងច្រើន ជាពិសេសជាខ្សែបម្រើកណ្ដាលដ៏បុិនប្រសប់។ ចំណែក Salah វិញពុំសូវមានសង្ឃឹមបានលើកពានអ្វីទេនារដូវកាលនេះ ដោយសារតែ Liverpool បានធ្លាក់ចេញពីការប្រជែងស្ទើរអស់ទៅហើយ លើកលែងតែ Champion League ប៉ុណ្ណោះ។ ទោះបីមិនទាន់អាចជួយក្រុមអោយឈ្នះពានអ្វីនៅឡើយ តែ Salah ពិតជាធ្វើបានល្អមែនទែនក្នុងការស៊ុតបញ្ចូលទីរហូតដល់៣៦គ្រាប់នាគ្រប់ការប្រកួតនិងកំពុងនាំមុខគេដាច់ក្នុងការដណ្ដើមស្បែកជើងមាស។

De Bruyne បាននិយាយក្នុងសន្និសិទ្ធសារពត៍មានថា៖” ខ្ញុំបានបោះឆ្នោតអោយ Salah ជាកីឡាករឆ្នើមប្រចាំឆ្នាំ
ព្រោះគេសាកសមនិងទទួលពានមួយនេះ។ ខ្ញុំគិតថាគ្មាននរណាសាកសមជាង Salah នោះទេ“។

The Sun