ក្រុមពីរមកពីទីក្រុង Mancheste គឺ City និង United នៅតែបន្តរក្សាដំណែងកំពូលតារាងរបស់ខ្លួនបានដដែល គិតត្រឹមចប់សប្ដាហ៍ទី១៥នេះ ហើយខាងក្រោមជារឿងថ្មីបានកើតឡើងក្នុង Premier League សប្ដាហ៍នេះ
។
១.Liverpool សម្បូរទៅដោយកីឡាករដែលមានទេពកោសល្យ
ទោះបីជា ហង្សក្រហម មានបញ្ហាប្រព័ន្ធការពារបន្តិចបន្តួចក៍ដោយ Liverpool នៅមានខ្សែប្រយុទ្ធដែលមានទេពកោសល្យ បច្ចេកទេសផងដែរ ជារួមមាន Mohamed Salah និង Coutinho។ ពួកគេទាំងពីរគឺជាខ្សែប្រយុទ្ធដែលមានល្បឿនលឿននឹងវៃឆ្លាតក្នុងការបញ្ចប់ទីឬបញ្ជូនឲ្យមិត្តរួមក្រុមរបស់ខ្លួន ដើម្បីបញ្ចប់ទីរបស់គូប្រកួតដោយជោគជ័យ ។អ្វីដែលកាន់តែគួរឲ្យកោតសរសើរទៀតនោះគឺការទាត់បាល់ហ្វី្រឃីតរបស់កីឡាករសញ្ជាតិប្រេស៊ីលរូបនោះ រំលងរនាំងការពាររបស់ Brinhton បញ្ចូលទីយ៉ាងអស្ចារ្យ ។
២.Asenal បាត់បង់ម្ចាស់ការលើប្រព័ន្ធការពារក្រុមរបស់ខ្លួន
Arsenal បានដាក់សម្ពាធលើ United យ៉ាងខ្លាំងតែត្រូវបានជួយសង្គ្រោះដោយអ្នកចាំទីដៃស្អិត Devid Degea ជាច្រើនលើកច្រើនសារ។ បើមើលពីការគ្រប់បាល់យើងគ្រប់គ្នាគិតថាក្រុមកាំភ្លើងធំប្រាកដជាអាចយកឈ្នះលើក្រុមបិសាចក្រហមបាន ។ជាលទ្ធផលក្រុមដែលដឹកនាំដោយលោកតាបារាំងបានចាញ់ក្រុមដែលដឹកនាំដោយលោក Jose ទៅវិញដោយអ្នកចាត់ការរហ័សនាម Special One ប្រើយុទ្ធសាស្រ្តការពារហើយវាយបកបានយ៉ាងមានប្រសិទ្ធភាព ។
៣.Eden Hazard កំពុងតែបង្ហាញពីភាពរីកចម្រើននិងទេពកោសល្យរបស់ខ្លួន
សម្រាប់ក្រុមតោខៀវមានក្ដីសង្ឃឹមតិចតួចបំផុតដើម្បីឈ្នះពាន Premier League នៅរដូវកាលនេះ តែអ្វីដែលគួរឲ្យចាប់អារម្មណ៍នោះគឺទេពកោសល្យរបស់កីឡាករសញ្ជាតិ Belgium ដែលបានរួមចំណែកឲ្យក្រុមដែលដឹកនាំដោយលោក Conte យកឈ្នះ Newcastle ផងដែរ។
៤.ប្រកួតទីមួយរបស់លោក Sam Allardyce ក្នុងនាមជាគ្រូបង្វឹករបស់ Everton
ក្រោមការដឹកនាំលើកដំបូងរបស់លោក Sam Allardyce បាននាំឲ្យក្រុមដែលមានកីឡដ្ឋាន Goodison Park យកឈ្នះ Huddersfield Town ក្នុងលទ្ធផល ២ ទល់នឹង ០ ។ អ្វីដែលគួរឲ្យគាត់សម្គាល់នោះគឺ Everon បានរក្សាសំណាញ់ទីនិងស៊ុតបញ្ចូលទីគូប្រកួតបានពីរគ្រាប់ទៀតផង ។
៥. Devid Moyes អាចនឹងធ្វើអ្វីខ្លះដើម្បីជួយក្រុមញញួរធំអោយផុតពីតំបន់គ្រោះថ្នាក់
ក្រោមការដឹកនាំរបស់ Moyes ក្នុងការបួនប្រកួតដំបូងរបស់ West Ham ទទួលបានតែមួយពិន្ទុតែប៉ុណ្ណោះ។ទោះរងបរាជ័យក្រោមថ្វីជើងក្រុមមេឃខៀវក៍ដោយក៍ក្រុមញញួរធំបានបង្ហាញទម្រង់លេងយ៉ាងល្អជាងកាលពីដើមរដូវកាល ៕
