កំពូល Super Star របស់ Barcelona កីឡាករ Lionel Messi ពេលនេះ បានឈានដល់កិច្ចព្រមព្រៀងជាមួយក្លឹបក្នុងការបន្តកុងត្រាថ្មី នេះបើតាមប្រភព Cadena Ser ខណៈកុងត្រាចាស់នឹងផុតកំណត់ក្នុងរដូវកាលក្រោយនេះហើយ។
ប្រភពដដែលបាននិយាយថា Messi នឹងស៊ីញេកុងត្រាបន្ថែមបីឆ្នាំជាមួយនឹងជម្រើសថែមមួយរដូវកាលទៀត ខណៈតម្លៃកុងត្រា ត្រូវបានបញ្ចេញគឺថាមានការកើនឡើងពី២៥០លានអឺរ៉ូទៅ៤០០លានអឺរ៉ូ ដែលនេះត្រូវបានគេដឹងថា Barca ចង់ទប់មិនឲ្យរូបគេទៅលេងនៅកន្លែងផ្សេងទៀត។
ក្នុងនេះគឺកីឡាករវ័យ២៩ឆ្នាំ នឹងនៅលេងក្នុងទឹកដី Camp Nou ដល់ឆ្នាំ ២០២១ ខណៈដៃគូប្រយុទ្ធ MSN២រូបទៀតមានកុងត្រាដល់២០២១ដូចគ្នា។ របាយការណ៍ Cadena Ser បញ្ជាក់ទៀតថាប្រធានក្លឹបលោក Josep Maria Bartomeu បានទៅជួប Messi និងឪពុករបស់គាត់ Jorg Messi ក្នុងលក្ខណៈផ្ទាល់ខ្លួនពិភាក្សាលើកការបន្តកុងត្រានេះ។
នេះមានន័យថាការកាន់ប៊ិកស៊ីញេកុងត្រាថ្មី នឹងចាប់ផ្ដើមនៅថ្ងៃទី៣០មិថុនា ហើយកុងត្រាថ្មីនេះ Barcelona នឹងឲ្យប្រាក់ឈ្នួល Messi លើកុងត្រាថ្មីពេលចូលរដូវកាលថ្មី៕
