ដោយដឹកនាំទើបបានត្រឹម២រដូវកាលនៅ Real Madrid, គ្រូបង្វឹកសញ្ជាតិបារាំងលោក Zidane បានសម្រេចស្នាដៃដឹកនាំក្នុង La liga ឈ្នះ៥០ប្រកួតហើយក្នុងចំណោម៦៥ដងនាពេលកន្លងមក ដោយបាននាំមុខកំណត់ត្រាអតីតគ្រូបង្វឹក Barcelona ដែលពេលនេះមកដឹកនាំ Manchester City ។
Zinedine Zidane នៅតែបន្តរក្សាភាពខ្លាំងក្នុងការដឹកនាំរបស់ខ្លួន ចាប់ពីឈានមកដល់កៅអីគ្រូបង្វឹកនៅ Bernabeu។កំណត់ត្រាដឹកនាំ របស់គាត់ធ្វើបានល្អពិសេសល្អជាងកំណត់ត្រារបស់លោក Pep Guardiola ។ គ្រូបង្វឹកសញ្ជាតិបារាំងឈានដល់ការដឹកនាំឈ្នះក្នុង La liga ៥០ប្រកួតហើយ ខណៈកាលពីមុនគឺគ្រូបង្វឹកក្លឹបនៅ Catalan ធ្វើបាន។
50 – Zinedine Zidane has recorded his 50th win in La Liga as Real Madrid manager (76.9% of wins). Magistral. pic.twitter.com/JbDHcVoDDH
— OptaJose (@OptaJose) October 1, 2017
នេះមានន័យថា កាលជំនាន់លោក Pep ដឹកនាំ Barca គាត់ឈ្នះបាន៤៨ប្រកួតក្នុងចំណោម៦៥ដង ដែលនេះមានន័យថាគាត់ត្រូវការពីប្រកួតទៀតទើបតាមទាន់ Zidane។ សំណាងមិនល្អរបស់លោក Zidane ការស្មើជាមួយ Valencia, Levante និងចាញ់ Betis បានបញ្ឈប់កំណត់ត្រាធ្វើឲ្យលោក Zidane ក្លាយជាគ្រូបង្វឹកដឹកនាំឈ្នះច្រើនជាងគេក្នុងប្រវត្តិសាស្ត្រ La liga ដោយកំណត់ត្រានេះ នៅតែរក្សាក្រោមស្នាដៃលោក Jose Mourinho ដែលឈ្នះ៥០ប្រកួតក្នុង៦២ដងដែលលោកដឹកនាំ៕
