ក្រុមកាំភ្លើងធំ Arsenal បានទទួលជោគជ័យក្នុងការចុះកុងត្រាយកខ្សែប្រយុទ្ធ Borussia Dortmund កីឡាករ Pierre-Emerick Aubameyang បានហើយនេះបើតាមការប្រកាសក្នុងវេបសាយផ្លូវការរបស់ក្លឹប។
ខ្សែប្រយុទ្ធជម្រើសជាតិហ្គាបុងបានក្លាយជាគោលដៅរបស់Arsenal ត្រឹមប៉ុន្មានសប្ដាហ៍នេះ ប៉ុណ្ណោះក្រោយ Alexis Sanchez ផ្ទេរទៅលេងនៅ Manchester United ហើយលោក Arsene Wenger ទទួលបានគោលដៅចង់បានរបស់ខ្លួន ខណៈកីឡាកររូបនេះមានតម្លៃបំបែកកំណត់ត្រារបស់ក្លឹប និងកុងត្រារយៈពេលយូរ។
ការផ្ទេរមកនេះត្រូវបានគេរំពឹងថានឹងបើកទ្វារឲ្យ Olivier Giroud ទៅ Chelsea ខណៈដែលខ្សែប្រយុទ្ធតោខៀវ Michy Batshuayi ទៅលេងនៅ Dortmund ជំនួស Aubameyang វិញ។ ប្រភពនៅអង់គ្លេសបានបង្ហាញឲ្យដឹងថាការផ្ទរនេះ មានតម្លៃ៦៣.៧៥លានផោន ជាមួយនឹងកុងត្រា៣ឆ្នាំកន្លះ ហើយទទួលបានប្រាក់ឈ្នួលប្រចាំសប្ដាហ៍១៨០០០០ផោនដែលតម្លៃនេះធ្វើឲ្យរូបគេក្លាយជាកីឡាករទទួលបានប្រាក់ឈ្នួលខ្ពស់ជាងគេរបស់ Arsenal។
He’s ours ✅ #YoPierre https://t.co/DiDb4Ewvt6
— Arsenal FC (@Arsenal) January 31, 2018
មុនចាកចេញពី Dortmund មក Arsenal កីឡាករមានដើមកំណើតមកពីទ្វីបអាហ្វ្រិករកបាន៩៨គ្រាប់ ឲ្យក្លឹបយក្សអាល្លឺម៉ង់ក្នុងចំណោមការចូលលេង១៤៤ប្រកួត៕
