គេហទំព័រ Football Leak បានទម្លាយពីចំនួនប្រាក់ដែល ខ្សែប្រយុទ្ធ Liverpool កីឡាករ Roberto Firmino ប្រចាំប្រចាំសប្ដាហ៍ រួមជាមួយនឹងប្រាក់រង្វាន់ពេលរកគ្រាប់បាល់បាន។ នេះគឺជាមូលហេតុដែលកីឡាករប្រេស៊ីលរកបានគ្រាប់បាល់ញឹកញាប់។
អតីតខ្សែប្រយុទ្ធ Hoffenhiem រកបាន២គ្រាប់កាលលេងទល់នឹង Swansea ដែលធ្វើឲ្យគ្រាប់បាល់រកសរុបក្នុងរដូវកាលនេះគឺ១៦គ្រាប់ ស្មើនឹងប្រាក់បន្ថែមលើកទឹកចិត្ត១៥ម៉ឺនផោន បូកជាមួយប្រាក់ឈ្នួលប្រចាំសប្ដាហ៍។
វេបសាយខាងលើបានបញ្ជាក់ថា ប្រាក់ឈ្នួលប្រចាំសប្ដាហ៍របស់ Firmino បាន៦៨០០០ផោនក្នុងមួយអាទិត្យ បូករួមជាមួយនឹងប្រាក់បន្ថែមនៃការរកគ្រាប់បាល់។ នេះមានន័យថាកីឡាករវ័យ២៦ឆ្នាំរូបនេះ រកបានគ្រាប់បាល់កាន់តែច្រើនប្រាក់បន្ថែមនៃការរកគ្រាប់បាល់កាន់តែកើន។
Football Leaks បាននិយាយថា ៥គ្រាប់ដំបូងរបស់ Firmino ដែលរកបានក្នុងរដូវកាលនេះមានតម្លៃ២៥០០០ផោន ហើយចាប់ពីគ្រាប់ទី៦ដល់១០មានតម្លៃ៤៥០០០ផោន ចំណែកគ្រាប់បាល់ចាប់ទី១១ទល់១៥មានតម្លៃ៦៥០០០ផោន ហើយចាប់ទី១៦ទៅ២០មានតម្លៃកើនដល់៨៥០០០ផោន។
តាមពិតទៅរដូវកាលនេះ រូបគេលេងបានល្អក្រោមការដឹកនាំរបស់លោក Jurgen Klopp ដោយរកបាន១៦គ្រាប់ និងបញ្ជូនបាល់បាន៨ដងក្នុងចំណោម២៧ប្រកួតនៅរដូវកាលនេះ គ្រប់ពានរង្វាន់រួមទាំងគ្រាប់បាល់៦គ្រាប់ និង Assist ៦គ្រាប់ទៀតនៅ Champions League។
Next time #Firmino scores he receives £45000. From 11th goal on £65000, from 16th £85000. #FootballLeaks #Spiegel #LFC #liverpool @SPORTBILD pic.twitter.com/HhvsxtwAP5
— Michael Reis (@donreisino) December 10, 2016
មកដល់ពេលនេះការប្រកួតគ្រប់ក្របខណ្ឌទើបដើរដល់ពាក់កណ្ដាលប៉ុណ្ណោះ ដែលនេះជាឱកាសឲ្យ Firmino រកលុយបានកាន់តែច្រើនមុនចប់រដូវកាល៕
