ការចុះកុងត្រាទៅលេងនៅ Bayern Munich របស់ James Rodriguez បានបន្សល់ទុកអាវលេខ១០របស់ Real Madrid ឲ្យនៅទំនេរខណៈអាវលេងក្នុងតំណែងក្រោយលេខ៩មួយនេះធ្លាប់ពាក់ដោយកីឡាករល្បីៗកាលពីមុនដូចជា៖ Figo, Ozil Seedorf , Martin Vazquez , Ozil…។
មានបេក្ខជនជាច្រើននៅ Real Madrid បច្ចុប្បន្នសុទ្ធតែមានសមត្ថភាពពាក់វាប៉ុន្តែគេមិនដឹងថានរណាសាកសមនឹងទទួលបានវានោះទេ។ Madric, Isco, Asensio សុទ្ធតែជាបេក្ខភាពអាចទទួលបានលេខ១០ជំនួសJamesក្នុងរដូវក្ដៅនេះ។ ក្នុងជម្រើសជាតិក្រូអាតModric ពាក់លេខ១០ខណៈ Asensio ក៏ធ្លាប់ពាក់អាវលេខ១០នេះក្នុងឈុតយុវជនរបស់ Real Madrid កាលពីឆ្នាំមុនៗផងដែរ។
កីឡាករចំណូលថ្មីតែមិនទាន់ប្រកាសផ្លូវការ Dani Ceballos ក៏អាចពាក់បានដែរខណៈកីឡាកររូបនេះមានដំណែងជាខ្សែបម្រើប្រយុទ្ធពីក្រោយលេខ៩ស្រាប់។ បែបណាក្ដី ប្រសិនបើ Real Madrid ចុះកុងត្រាយក Mbappé បានសម្រេច លេខ១០នេះគឺជារង្វាន់ដ៏សាកសមបំផុត។
ភាគច្រើនកីឡាករពាក់អាវលេខ១០នៅReal Madrid សុទ្ធតែបង្ហាញសមត្ថភាពគ្រប់គ្រាន់ដូចជា៖ Hagi, Laudrup, Robinho, Sneijder និង James តែយ៉ាងណាក្ដីយើងមិនដឹងនៅឡើយទេដោយមានតែរង់ចាំព័ត៌មានបន្ថែមទៀតប៉ុណ្ណោះ៕
