Cristiano Ronaldo នឹងមិនចូលរួមលេងក្នុងពាន International Champions Cup នោះទេ ប៉ុន្តែអ្នកគាំទ្របាល់ទាត់នៅសហរដ្ឋអាមេរិកនឹងឃើញ ខ្សែប្រយុទ្ធទាំងបីរបស់ Barcelona គឺ Lionel Messi, Luis Suarez និង Neymar។
Real Madrid កោះហៅឈ្មោះកីឡាករ២៦នាក់សម្រាប់ចូលរួមព្រឹត្តិការណ៍នៅអាមេរិកកាលពីម្សិលមិញ ហើយម្ចាស់ជ័យលាភី Ballon d’Or បួនសម័យកាលCristiano Ronaldo គឺជាកីឡាករតែម្នាក់គត់ដែលឲ្យសម្រាក។ កីឡាករវ័យ៣២ឆ្នាំមានវត្តមានក្នុង Confederations Cup ក្នុងប្រទេសរុស្សីកាលពីខែមុន ប៉ុន្តែរូបគេបានចាកចេញមុនពេលព័រទុយហ្គាល់ បានលេខ៣ដោយសារទៅមើលកូនភ្លោះទើបនឹងកើត។ ដោយសារចំណាយពេលជួយក្លឹបឈ្នះពាន La liga និងChampions League ផងនោះទើបក្លឹបអនុញ្ញាតឲ្យសម្រាកតែម្ដងទៅ។
ក្រុមស្ដេចសរបស់លោក Zidane នឹងត្រូវជួបក្រុមបិសាចក្រហមរបស់លោក Jose Mourinho ក្នុងពាន ICC នៅថ្ងៃទី២៣កក្កដាដោយមានកីឡាករជម្រើសដំបូងខ្លាំងមានវត្តមានដូចជា៖ Gareth Bale, Karim Benzema, Toni Kroos, Luka Modric, Isco, Marcelo និងកីឡាករទើបកុងត្រាថ្មី Theo Hernandez។
ខណៈពេល Ronaldo អត់ចូលរួម Barcelona ដែលនឹងត្រូវជួបគ្នាក្នុងពាន ICC នេះដែរនាំយកតារាទាំងបី Lionel Messi, Luis Suarez និង Neymar ទៅជាមួយផង។ Messi ទើបតែស៊ីញេកុងត្រាបន្ថែមជាមួយ BARCA ខណៈក្លឹបមួយនឹងក៏នឹងទើបតែងតាំងគ្រូបង្វឹកថ្មី Ernesto Valverde ជាគ្រូបង្វឹកថ្មីផងដែរ។ កីឡាករសំខាន់ៗដូចជា៖ Javier Mascherano, Andres Iniesta, Gerard Pique, Ivan Rakitic និង Arda Turanមានវត្តមានក្នុងការប្រកួតនេះ ដោយឡែកអ្នកចាំទីដៃទីមួយ Marc-Andre ter Stegen ទុកឲ្យសម្រាកក្រោយជួយជម្រើសជាតិលើកពាន Confederations Cup ។ Barca នឹងត្រូវជួបក្រុមជើងឯករង Champions League ២០១៦/២០១៧នៅទីក្រុង New Jersey ក្នុងថ្ងៃទី២២កក្កដា៕
