គ្រូបង្វឹកក្លឹប Paris Saint-Germain លោក Unai Emery បានចូលរួមក្នុងសន្និសិទកាសែតនៅកីឡដ្ឋាន Parc des Prines ក្នុងជំនួបទល់នឹង Nantes នៃក្របខណ្ឌ Ligue 1 ហើយកាសែត Deportes Cuatro បានសួរគាត់អំពីព័ត៌មានចចាមអារ៉ាមNeymar ចង់ត្រឡប់ទៅអេស្ប៉ាញវិញ ពិសេស Real Madrid។
ប៉ុន្តែគ្រូបង្វឹក PSG បានបញ្ជាក់យ៉ាងច្បាស់ពីរឿងនេះហើយ។ គ្មានអ្វីគួរឲ្យសង្ស័យនោះទេ បន្ទាប់ពីអតីតគ្រូបង្វឹក Sevilla រូបនេះបានឆ្លើយតបពីរឿងរ៉ាវដែល Neymar ជាប់ទាក់ទងផ្ទេរទៅ Real Madrid។
“ ពួកយើងរីករាយជាមួយនឹង Neymarហើយគាត់កំពុងតែជោគជ័យនៅទីនេះ។ Neymarមិនទៅណាដូចព័ត៌មានចុះផ្សាយនោះទេ” លោក Emery និយាយដោយគ្មានភាពស្ទាក់ស្ទើ។
⚠️ Unai Emery, a Deportes Cuatro sobre Neymar: “Va a triunfar aquí” https://t.co/xcJaIq58SD pic.twitter.com/ABCq7JEClM
— Deportes Cuatro (@DeportesCuatro) November 16, 2017
“ខ្ញុំមិនដឹងថាពួកគេបានរឿងពីណាមកនិយាយ ឬយកព័ត៌មានមកពីកន្លែងណាទេ។ Neymar កំពុងរីករាយនៅទីនេះ”។ គ្រូបង្វឹកសញ្ជាតិអេស្ប៉ាញបានបន្ត៕
