ព័ត៌មានដោះដូរកីឡាករ៖ ​ Borassia Dortmund បាន​រាយការណ៍​ថា​បាន​និយាយ​ដោយ​ចំហរ​លើ​កិច្ច​ពិភាក្សា​យក​ខ្សែ​ប្រយុទ្ធ​​ Oliver Giroud ក្នុង​រដូវ​កាល​នេះ​ដើម្បី​ជំនួស​ Pierre-Emerick Aubameyang ដែល​ជា​គោលដៅ​របស់ ​Chelsea។

ខ្សែ​ប្រយុទ្ធ​ជម្រើស​ជាតិ​បារាំង​ត្រូវ​បាន​ Arsenal កំណត់​​តម្លៃ​ខ្លួន​៣៥​លាន​ផោន ​បើ​មាន​ក្លឹប​ណា​មួយ​ចង់​បាន​ តែ​រូបគេនៅ​មាន​​ក្លឹប​ជា​ច្រើន​ចង់​បាន​ ​ហើយ​ភាគរយ​នៃ​ការ​ចាក​ចេញ​ពី​ Emirate Stadium ក៏​មាន​ច្រើន​ដែរ។ Giroud មាន​វ័យ​៣០​ឆ្នាំ​ហើយ​មិន​បាន​ជាប់​ជម្រើស​ដំបូង​ពេញ​លេញ​ ក្រោម​ការ​ដឹកនាំ​របស់​ Arsene Wenger កាល​ពី​រដូវ​កាល​មុន​ ហើយ​ពេល​នេះ​រូប​គេ​ក៏​ត្រូវ​ប្រឈម​មុខ​ជាមួយ​ កីឡាករ ​Alexander Lacazette ដែល​ទើប​មក​ដល់​ក្នុង​តម្លៃ​៥២​លាន​ផោន​។

 

Dortmund នៅ​តែ​មាន​ចំណាប់​អារម្មណ៍​ជាមួយ ​Giroud ហើយ​កាសែត​ Daily Mirror បញ្ជាក់​ថា​ ពួក​គេ​បាន​ជួប​គ្នា​ពិភាក្សា​លើ​កិច្ច​ព្រមព្រៀង​ នាំ​យក​កីឡាករជម្រើស​ជាតិ​បារាំង ​ទៅ​លេង​នៅ​អាល្លឺម៉ង់ ខណៈ​ពួកគេ​រៀប​ចំ​ឲ្យ​Aubameyang ចាក​ចេញ​ក្នុង​តម្លៃ​៦៥​លាន​ផោន​។

 

ក្រៅ​ពី​ក្លឹប​ខាង​លើ​, Everton, West Ham និង​ក្លឹប​នៅ​ Ligue 1 ក៏​ចង់​បាន​ដែរ ​ប៉ុន្តែ​ផ្ទេរ​ទៅ​លេង​នៅ​ Dortmund​ ជា​ជម្រើស​ល្អ​ជាងគេ។ គ្រូ​បង្វឹក​សញ្ចាតិ​បារាំង​នៅ​តែ​ទុក​ចិត្ត​អតីត​ខ្សែ​ប្រយុទ្ធ​ក្លឹប​ Montpellier រូប​នេះ​ ក្នុង​គម្រោង​សម្រាប់​រដូវ​កាល​ក្រោយ​ តែ​យ៉ាង​ណា​លោក​ក៏​ពិបាក​ឃាត់​មិន​ឲ្យ​ចេញ​ដែរ​ ព្រោះ​កីឡាករ​ចង់​ចូល​លេង​បាន​ច្រើន​ ដើម្បី​មាន​ឱកាស​ជាប់​ជម្រើស​ជាតិ​ក្នុង​ World cup 2018 នៅ​រុស្សី​ឆ្នាំ​ក្រោយ ​ខណៈ​ដំណែង​របស់​គេ​នៅ​ក្នុង​ជម្រើស​ជាតិបច្ចុប្បន្ន ​ស្ថិត​ក្នុង​កៅអី​១១​នាក់ដំបូង៕