បន្ទាប់ពីទទួលពាន Ballon d’Or ជាលើកទី៥របស់ខ្លួនកាលពីយប់មិញ Cristiano Ronaldoបាននិយាយថា រូបគេនឹងបន្តអាជីពបាល់ទាត់នៅ Real Madrid រហូតដល់ចូលនិវត្តន៍។
កីឡាករព័រទុយហ្គាល់បានទទួលពាននេះក្រោមការរៀបចំពី France Football ដោយរូបគេទទួលបានសម្លេងស្មើជាមួយMessi ក្នុងតារាងម្ចាស់ពាន Ballon d’Or។ បែបណាក្ដី! មួយរយៈមុនរូបគេមានព័ត៌មានចុះផ្សាយថាចង់ចេញពី Real Madrid ដល់ទៅពីទៅបីដង ដោយមិនពេញចិត្តរឿងខ្លះៗកើតឡើងចំពោះខ្លួននៅអេស្ប៉ាញ។
ប៉ុន្តែតាមការបញ្ជាក់ពីសាមីខ្លួនគឺនិយាយដូច្នេះ៖” ខ្ញុំមានអារម្មណ៍ល្អ ហើយចូរមើលថាអ្វីនឹងកើតឡើងនៅពេលអនាគត។ខ្ញុំរីករាយនៅ Real ហើយខ្ញុំចង់ស្នាក់នៅទីនោះ ដល់ថ្ងៃបញ្ចប់អាជីពបាល់ទាត់ តាមតែអាចធ្វើបាន”។
