ក្រោយពេលឈប់សម្រាក FIFA Day អស់រយៈពេលជាច្រើនសប្ដាហ៍កន្លងមក ការប្រកួតក្នុងលីគកំពូលកម្ពុជារដូវកាល២០១៨ សម្រាប់វគ្គសន្សំពិន្ទុសប្ដាហ៍ទី៤ នឹងត្រូវដំណើរការប្រកួត នារសៀលថ្ងៃសៅរ៍ និងថ្ងៃអាទិត្យ ទី០៧ ថ្ងៃទី០៨ ខែមេសា ចុងសប្ដាហ៍នេះហើយ។
សម្រាប់ការប្រកួតល្ងាចថ្ងៃសៅរ៍ ថ្ងៃទី០៧ ខែមេសានេះ គឺជាការជួបគ្នារវាង សូលទីឡូអង្គរជាមួយ បឹងកេត ក្នុងពហុកីឡដ្ឋានជាតិចំណែកក្រុមវិសាខា នឹង ត្រូវជួបប្រកួតជាមួយក្រុមអាស៊ីអឺរ៉ុបយូណាយធីតនៅពហុកីឡដ្ឋានជាតិដូចគ្នា។ ចំណែកគូរល្អមើលគឺភ្នំពេញក្រោន នឹងត្រូវប្រជែងពិន្ទុ ជាមួយណាហ្គាវើល។
ចំណែកការប្រកួតនៅថ្ងៃអាទិត្យ ទី០៨ ខែមេសា គឺក្រុមអគ្គិសនីកម្ពុជា ជួបជាមួយ អគ្គស្នងការដ្ឋាននគរបាលជាតិ ខណៈក្រសួងការពារជាតិ ប៉ះជាមួយ វេស្ទើនភ្នំពេញ ហើយព្រះខ័នរាជ ខេត្តស្វាយរៀងប៉ះជាមួយ ក្រុមអង្គរថាយហ្គឺរ។
សូមរម្លឹកថា គិតត្រឹម សប្តាហ៍ទី៣ ក្រុមដែលមានពិន្ទុច្រើនជាងគេ គឺបឹងកេតដែល ឈរលើកំពូលតារាង បណ្តោះអាសន្ន មាន៩ពិន្ទុ, ភ្នំពេញក្រោនត្រូវប៉ះណាហ្គាវើល ដែលជាក្រុមមាន ៧ពិន្ទុស្មើគ្នា៕
