ក្រុមបិសាចក្រហម Manchester United ត្រូវបានគេរាយការណ៍ថា បាននឹងកំពុងតាមដានកីឡាករវ័យក្មេងក្នុងថ្នាលយុវជនរបស់ Barcelona ដែលចូលរួមជាមួយក្រុមជម្រើសជាតិអេស្ប៉ាញវ័យក្មេង១៧ឆ្នាំដែលចូលរួមក្នុងពានរង្វាន់ FIFA U17 World Cup នៅឥណ្ឌា។
Abel Ruiz ពាក់អាវលេខ៩
ក្នុងពានរង្វាន់នេះ ក្រុមអេស្ប៉ាញកំពុងតែបង្ហាញទម្រង់លេងល្អខ្លាំងបំផុតដោយបានបំបាក់ក្រុម U17 បារាំង២ទល់១ឡើងវគ្គ៨ក្រុមចុងក្រោយ ដែលត្រូវជួបក្រុម U17អ៊ីរ៉ង់នៅកីឡដ្ឋាន Jawaharlal Nehru Stadium ។ ការដេញថ្លៃបានកើនឡើងពេញពិភពលោក ហើយពេលនេះកំពុងតែដំណើរការនៅប្រទេសឥណ្ឌា ខណៈក្លឹបធំមួយចំនួនបានឲ្យភ្នាក់ងាររបស់ខ្លួនទៅតាមដានទម្រង់លេងរបស់កីឡាករគ្រប់ៗជម្រើសជាតិទៀតផង។ កីឡាករវ័យក្មេងដែលគេចាប់អារម្មណ៍ជាងគេគឺ Abel Ruiz, Juan Miranda, Sergio Gomez និង Mateu Morey។
Juan Miranda(អាវលេខ៣), Sergio Gomez(អាវលេខ១០)
Mateu Morey
កាសែតកីឡាប្រចាំថ្ងៃរបស់អេស្ប៉ាញ Sport English បាននិយាយថា Man Utd, Man City, និង Bayern Munich ចង់បានកីឡាករ៤នាក់នេះខ្លាំង។ ប្រភពដដែលថាកីឡាករតាំង៤រូបនេះ មានតម្លៃផ្ដាច់កុងត្រា២.២៥លានផោន បើចង់បានពួកគេឲ្យចាកចេញពីកីឡដ្ឋាន Camp Nou ដែលនេះធ្វើឲ្យក្លឹបរួមទីក្រុងManchester ដេញថ្លៃ។
Abel Ruiz ក៏ត្រូវបានក្រុមកាំភ្លើងធំ Arsenal ឃ្លាំមើលផងដែរ ដោយក្លឹបមានមូលដ្ឋាននៅភាគខាងជើងទីក្រុងឡុងដុង កំពុងស្វែងរកវិធីសាស្រ្តដែលអាចទៅរួច នាំយករូបគេមកអង់គ្លេសហើយក្រៅពីនេះក៏មាន Chelsea ផងដែរ៕
