ក្រុមអ្នកមានលុយរបស់បារាំង Paris Saint-Germain សង្ឃឹមថានឹងប្រជែងជាមួយក្រុមអ្នកមានលុយរបស់អង់គ្លេស Manchester City ទិញយកខ្សែប្រយុទ្ធ Alexis Sanchez របស់Arsenal ដើម្បីបំពេញក្ដីបំណងរបស់Neymar នេះបើតាមប្រភពពីDaily Mail។
គេហទំព័រខាងលើបាននិយាយថា Neymar បានបញ្ចូលឈ្មោះ Sanchez ក្នុងបញ្ជី”ចង់បាន”ពេលដែល PSG សួរថាតើកីឡាកររូបណា ដែលចង់យកមកលេងជាមួយ។ស្របពេលកុងត្រានឹងផុតនៅខែមិថុនា Alexis Sanches នឹងត្រូវបានគេស្នើឲ្យទៅលេងនៅកីឡដ្ឋាន Parc de Prince ក្នុងប្រាក់ឈ្នួល៣សែនផោនក្នុងអាទិត្យ ជាមួយនឹងប្រាក់បន្ថែម៩លានផោន ប្រសិនបើរូបគេយល់ព្រមចុះកុងត្រាជាមួយក្លឹបនៅខែមករាខាងមុខ។
បើ PSG ចង់ទិញមែននោះ ពួកគេក៏ត្រូវលក់កីឡាករចេញខ្លះផងដែរ ដើម្បីរក្សាលំនឹងក្នុងក្រុម ហើយស្របពេល UEFA ចាប់ផ្ដើមស៊ើបអង្កេតលើការចំណាយទិញកីឡាករទៀតនោះ ដើម្បីឲ្យស្របទៅតាមគោលការណ៍ Financial Fair Play ។
Edinson Cavani ត្រូវបានគេគិតថា ស្ថិតក្នុងបញ្ជីចាកចេញរបស់ក្លឹប ទោះបីជាត្រូវបានសម្របសម្រួលរឿងដណ្ដើមគ្នាទាត់បាល់ប៉េណាល់ទីជាមួយ Neymar ហើយកីឡាករម្នាក់ទៀតគឺ Julian Draxler ជាសមាជិកដទៃទៀតដែលនឹងត្រូវចាកចេញផងដែរ៕
