គ្រូបង្វឹកក្រុមបិសាចក្រហមលោក Jose Mourinho បានបង្ហាញអាការៈអន់ចិត្តជាមួយអ្នកគាំទ្រនៅ Old Trafford កាលពីយប់ម្សិលមិញ នៅពេលដែលក្រុមរបស់ខ្លួនបានយកឈ្នះ Leicester City២-០ហើយអ្នកគាំទ្រហាក់មិនសូវបង្ហាញការអបអរដោយស្រែកហ៊ោ ក្នុងទឺកដីរបស់ខ្លួនបន្តិចសោះ។
គ្រូបង្វឹកសញ្ជាតិព័រទុយហ្គាល់ ហាក់មិនសប្បាយចិត្តដែលប្រកួតក្នុងផ្ទះខ្លួនឯងហើយ មុនសូវមានសំឡេងស្រែកហ៊ោកញ្ជ្រៀវពីអ្នកគាំទ្រ។ លោកបានបញ្ជាក់ថាស្ងាត់តាំងពីរដើមរហូតដល់ Marco Rushford រកបានគ្រាប់បាល់នាំមុខ ក៏នៅមិនសូវមានការស្រែកគាំទ្រដែរ។
នេះមិនមែនជាលើកទីមួយនោះទេដែលលោក Jose បន្ទោសពីបរិយាកាសនៅ Old Trafford ដោយលោកបានបញ្ជាក់ថា អ្នកគាំទ្រត្រូវតែធ្វើឲ្យល្អជាងហ្នឹង បន្ទាប់ពីក្លឹបបានឈ្នះ Hull City នៅក្នុងពាន EFL Cup រដូវកាលមុន។
លោកបាននិយាយថា៖” ខ្ញុំបានឃើញបាល់រត់ចូលសំណាញ់ទី តែអ្នកគាំទ្រហាក់មិនភ្ញាក់ផ្អើលសោះ។ នេះជាលើកដំបូងហើយដែលខ្ញុំអង្គុយស្ដាប់អ្នកគាំទ្រ សារតែពួកគេស្ងាត់ពេកនៅថ្ងៃនេះ។ ក្នុងកីឡដ្ឋានពេញដោយមនុស្ស ហើយកីឡាករយើងទាត់ចូល ហេតុអីមិនបង្ហាញការស្រែកហ៊ោអបអរពេញលេញសោះអញ្ចឹង”៕
ប្រភព៖ Mirror
