Paulo Gazzaniga នឹងមកចូលរួមជាមួយក្រុមរបស់លោក Mauricio Pochettino បន្ទាប់ពីចុះកុងត្រាជាមួយ Tottenham ក្នុងរយៈពេល៥ឆ្នាំ។ នេះបើតាមប្រភពផ្លូវការរបស់ក្លឹបបានផ្សាយយប់មិញ។
អ្នកចាំទីសញ្ជាតិអាហ្សង់ទីនវ័យ២៥ឆ្នាំរូបនេះ នឹងពាក់អាវលេខ២២ដែលជាការផ្ដល់ឲ្យដោយគ្រូបង្វឹកផ្ទាល់ ប៉ុន្តែយ៉ាងណាក្ដី! រូបគេនឹងក្លាយជាជម្រើសទី៣ នៅពីក្រោយអ្នកចាំទី Hugo Lloris និង Michel Vorm ។
Paulo Gazzaniga បានបង្ហាញខ្លួនឲ្យ Southampton ២៣ប្រកួតក្នុងអំឡុងជាប់កុងត្រា៥ឆ្នានៅទីនោះ ក្រោយចេញពីក្លឹបដំបូងបំផុត Gillingham កាលពីឆ្នាំ២០១២។ បន្ទាប់មករូបគេក៏បានទៅលេងនៅក្លឹប Rayo Vallecano ក្នុងក្របខ័ណ្ឌលីកទី២អេស្ប៉ាញបាន៣២ប្រកួត។ ចុងក្រោយរូបគេក៏បានមកលេងនៅក្លឹបមាន់ខ្នាយមាសនេះតែម្ដង ក្រោយពេលមានការណែនាំពីលោក Pochettino។
ការបង្ហាញខ្លួនចុងក្រោយរបស់អ្នកចាំទីរូបនេះនៅ Premier League គឺអំឡុងពេលលេងឲ្យ Southampton ដែលកាលនោះ ក្រុមមួយនេះបានប្រកួតចាញ់ Spurs ២ទល់០ ខណៈមិត្តរួមក្រុមរបស់ខ្លួនបច្ចុប្បន្នគឺ Harry Kane និង Dele Alli ជាអ្នករកគ្រាប់បាល់បាន៕
