ខ្សែបម្រើប្រយុទ្ធក្លឹបកាំភ្លើងធំ Arsenal កីឡាករ Mesut Ozil ចង់មកលេងនៅ Manchester United នៅរដូវកាលក្រោយដោយគ្មានតម្លៃខ្លួន នេះបើតាមប្រភពគេហទំព័រ Metro Sport បានចុះផ្សាយ។
លើសពីនេះគេហទំព័រ The Sunday Mirror បានបញ្ជាក់ថាកីឡាករជម្រើសជាតិអាល្លឺម៉ង់មិនចង់បន្តកុងត្រាជាមួយArsenal ទៀតទេ ខណៈសុពលភាពនឹងត្រូវផុតកំណត់ពេលចប់រដូវកាលនេះ ហើយខ្សែបម្រើរូបនេះ មានទំនាក់ទំនងយ៉ាងជិតស្និតជាមួយ Man Utd ហើយរូបគេធ្វើយ៉ាងណាមកកីឡដ្ឋាន Old Trafford ឲ្យបាន។
របាយការណ៍ខាងលើបានបន្តទៀតថាលោក Jose Mourinho នៅតែមានការស្រឡាញ់ចំពោះ Ozil ដែលធ្លាប់ធ្វើការជាមួយគ្នានៅ Real Madrid ហើយលោកនឹងនិយាយពីការស្រឡាញ់នេះឲ្យមក Man Utd។ Ozil ដែលនឹងក្លាយជាកីឡាករគ្មានតម្លៃខ្លួន ត្រូវបានគេរាយការណ៍ថាចង់បានប្រាក់ឈ្នួល២៥ម៉ឺនផោនពី Arsenal ។
Inter Milan ក៏បង្ហាញការចង់បាននិងចុះកុងត្រាយក Ozil ដែរប៉ុន្តែកីឡាករវ័យ២៨ឆ្នាំចង់នៅបន្តក្នុង Premier League ហើយចូលរួមជាមួយក្លឹបណាមួយ ដែលមានសមត្ថភាពចង់ឈ្នះពានធំៗ។ បើតាមប្រវត្តិនៃការលេង និងសមត្ថភាព, Jose Mourinho គឺជាអ្នកដែលអភិវឌ្ឍន៍ឲ្យលេងបានល្អ និងមានទំនុកចិត្តខ្លាំងនៅ Real Madrid។
លោក Jose Mourinho ធ្លាប់បាននិយាយថា៖” Real Madrid គឺមិនសូវជាធំប៉ុន្មានទេ សម្រាប់ការប្ដូរទៅលេងរបស់ឯង ហើយ Real Madrid គឺជាការប្ដូរដ៏ត្រឹមត្រូវតែមួយគត់សម្រាប់ឯង។”
“ ហើយបន្ទាប់ពីទ្វារត្រូវបានបើកសម្រាប់ឯង ឯងត្រូវប្ដូរទៅកន្លែងណា ដែលសមនឹងសមត្ថភាពរបស់ឯង។ ជឿខ្ញុំទៅ! នោះគឺជាអ្វីដែលត្រឹមត្រូវ។”
