David DeGea, Keylor Navas និង Manuel Neuer ត្រូវបានគេចាត់ទុកថាជាអ្នកចាំទីកំពូលសង្គ្រោះបាល់ក្នុងការប្រកួតធំៗពិសេស David De Gea សង្គ្រោះបាល់ពីទាត់របស់ខ្សែប្រយុទ្ធ Sevilla កាលប្រកួត Champions League ជើងទី១។
តែបើនិយាយពីអ្នកចាំទីរបស់ក្លឹប Club America កីឡាករ Agustin Marchesin វិញប្រិយមិត្តពិតជាភ្ញាក់ផ្អើលមិនខាន។ ក្នុងការប្រកួតនេះ Club America បានយកឈ្នះក្រុម Tauro របស់ប្រទេសប៉ាណាម៉ាដល់ទៅលទ្ធផល៤-០ក្នុងការប្រកួតពានរង្វាន់ CONCACAF Champions League កាលពីយប់ថ្ងៃអង្គារ។
ក្រុម Club America បានវាយសម្រុកទៅលើក្រុម Tauro ស្ទើរពេញមួយចំហៀងតារាងទៅហើយ ៗ សូម្បីតែអ្នកចាំទីក៏ឡើងផុតបន្ទាត់គ្រោះថ្នាក់ដែរ។ ការឡើងផុតមុខឆ្ងាយបែបនេះ វាជាឱកាសសម្រាប់ក្រុមម្ខាងទៀតទាត់ផ្លោងខ្លាំងណាស់។ ការវាយសម្រុករបស់ក្លឹបមានមូលដ្ឋាននៅប្រទេសមិកស៊ិក បានធ្វើឲ្យម្ខាងទៀតឆក់ឱកាសវាយបកហើយទាត់បាល់ពីពាក់កណ្ដាលតារាងផ្លោងសំដៅទី ស្របពេលអ្នកចាំទីឡើងផុតខ្សែ។
ខណៈពេលនេះកើតឡើងអំឡុងពេល Club America នាំមុខ២ទល់០ ប៉ុន្តែអ្នកចាំទី Agustin Marchesin ប្រើល្បឿនដ៏លឿនបំផុតរបស់ខ្លួន ដេញតាមបាល់រហូតទាន់ហើយទះបាល់ចេញបានសម្រេចស្របពេលបាល់រត់ដល់ស្មើរបន្ទាត់ទីទៅហើយ។
ចង់ច្បាស់មើលវីដេអូខាងក្រោម៖
[youtube id=”V20PP6vx8dg”]
