ក្លឹបបិសាចក្រហម Manchester United កំពុងរៀបចំទឹកប្រាក់១៥លានផោនដេញថ្លៃយកខ្សែការពារ Kieran Tierney ពីក្លឹបយក្សស្កុតឡែន Celtic.
លោក J0ose Mourimho កំពុងស្វែងរកខ្សែការពារស្លាបឆ្វេងម្នាក់ទៀតហើយ Tierney គឺជាគោលដៅចម្បងរបស់គ្រូបង្វឹកសញ្ជាតិព័រទុយហ្គាល់ ក្នុងតំបន់នេះ។ របាយការណ៍ពី Mirror បាននិយាយថា United បានដេញថ្លៃខ្សែការពារស្លាបឆ្វេងរូបនេះ ហើយរូបគេបានបង្ហាញទម្រង់លេងគួរឲ្យកត់សម្គាល់។
អនាគតរបស់ Luke Shaw ហាក់នៅមិនទាន់ច្បាស់លាស់ ខណៈពេលដែល Daley Blind និង Matteo Darmian បង្ហាញទម្រង់លេងបានល្អនៅតំបន់ស្លាបឆ្វេងនេះ តែយ៉ាងណា! Mourinho រកឃើញថា Tierney គឺជាជម្រើសរយៈពេលយូរក្នុងដំណែងនេះ។
ត្រឹមវ័យ២០ឆ្នាំខ្សែការពារសញ្ជាតិស្កុតឡែននៅមានពេលអភិវឌ្ឍន៍ខ្លួនបន្តទៀតហើយកីឡាករម្នាក់នេះក៏ចង់ស្វែងរកអនាគតល្អជាងនេះដែរ។ Tierney បានបង្ហាញថ្វីជើងយ៉ាងល្អក្នុង Champions League រដូវកាលមុន។ តែយ៉ាងណាក្ដី Celtic ប្រហែលជាមិនទាន់សម្រេចចិត្តលកើនៅឡើយទេ ខណៈកុងត្រារបស់គេអស់សុពលភាពដល់ឆ្នាំ២០២១៕
ប្រភព៖ squawka
