Real Madrid បានត្រឹមចែកគ្នាមួយពិន្ទុម្នាក់ជាមួយ At. Madrid ប៉ុណ្ណោះក្រោយប្រកួតគ្នាបានត្រឹមស្មើមួយទល់មួយក្នុងការប្រកួត La Liga សប្ដាហ៍ទី៣១។
ក្នុងវគ្គទី១ក្រុមទាំងពីរមិនអាចធ្វើអ្វីបាននោះទេទោះបីជាមានឱកាសក៏ដោយ ខណៈដែល Asensio និងMarcelo ទាត់ត្រឹមបុករបារទីប៉ុណ្ណោះ។ ចូលវគ្គទី២នាទី៥៣ Gareth Bale លើកបាល់ផ្លោងពីតំបន់ខាងឆ្វេងឲ្យ Ronaldo ទាត់ Volley បញ្ចូលទីបានសម្រេចនាំមុខមុន។ នាំមុខនេះមិនយូរទេ ខ្សែប្រយុទ្ធឆ្នើម Antoine Griezmann រកបានគ្រាប់បាល់តាមស្មើនៅនាទី៥៧។
ក្រុមទាំងពីរវាយសម្រុកគ្នាទៅវិញទៅមកមិនឈប់ឈរពិសេស Real សម្រុកស្ទើរតែពេញមួយចំហៀងទៅហើយតែមិនអាចបន្ថែមគ្រាប់បាល់នោះទេខណៈ Ramos បានបាល់ពិន័យហ្វ្រីឃីកមួយដែរតែ Oblakសង្គ្រោះបាន។ លទ្ធផលនេះបន្តដល់ចប់ការប្រកួតយកម្នាក់មួយពិន្ទុទៅផ្ទះរៀងៗខ្លួន។
ចំណែក Ronaldo វិញគ្រាប់បាល់មួយនេះគឺជាស្ថិតិនៃការរកបាន១០ប្រកួតជាប់ៗគ្នាហើយចាប់តាំងពីលេងពេញ Form ឡើងវិញមកហើយមួយគ្រាប់នេះក៏ជាគ្រាប់ទី៦៥០ក្នុងអាជីពបាល់ទាត់របស់គិតទាំងនៅ Sporting CP, Manchester United, ជម្រើសជាតិព័រទុយហ្គាល់ និងក្លឹប Real Madrid នេះឯង។
[youtube id=”vIXL0PFmBKQ”]
