ខ្សែប្រយុទ្ធ Barcelona កីឡាករ Ousmane Dembele កំពុងតែទទួលបានការចាប់អារម្មណ៍ ពីក្រុម Atletico Madrid, Arsenal និង Liverpool នេះបើតាមប្រភព Don Balon។
មូលហេតុដែល Arsenal ចង់បានខ្សែប្រយុទ្ធបារាំងវ័យក្មេងរូបនេះ ពីព្រោះតែ Pierre-Emerick Aubameyang បានទទូចឲ្យកាំភ្លើងធំ ស្នើយកអតីតមិត្តរួមក្រុមដែលធ្លាប់លេងជាមួយគ្នានៅ Dortmundមកលេងជាមួយគ្នាវិញ។ ចំណែកអតីតគ្រូបង្វឹក Borussia Dortmund លោក Jurgen Klopp កំពុងសង្ឃឹមថា ចំណាយលុយ១៦០លានអឺរ៉ូដែលបានពីការលក់Philippe Coutinho ឲ្យ Barcelona កាលពីខែមករានោះ អាចដេញថ្លៃយកកីឡាករវ័យក្មេងរបស់បារាំងរូបនេះបាន។
ចំណែក Atletico Madrid វិញមានអារម្មណ៍ថាពួកគេអាចអន្ទង Dembele ដើម្បីធ្វើកិច្ចព្រមព្រៀងមួយដោយសារតែAntoine Griezmann ក៏កំពុងរកផ្លូវចាកចេញពីក្លឹបនៅទីក្រុងម៉ាឌ្រីដដែរ៕
