លោក Jose Mourinho បានបង្ហាញភាពស្និតស្នាល ជាមួយអ្នកគាំទ្ររបស់ខ្លួនកាលពីចុងសប្ដាហ៍នេះ ទោះបីជាមានការងារមមាញឹកក្ដី ដោយបានសរសេរសំបុត្រមួយច្បាប់ផ្ញើទៅអ្នកគាំទ្រវ័យ៩៥ឆ្នាំ ម្នាក់ដែលកំពុងឈឺឲ្យត្រេកអរខ្លាំង។
ក្រុមបិសាចក្រហមទើបតែទទួលបានលទ្ធផលល្អក្រោយឈ្នះ Yeovil Town ក្នុងពាន FA Cup ខណៈដែលពាន Premier League ទល់នឹង Tottenham ជាសម្ពាធមួយត្រូវរៀបចំក្រុមឲ្យបានល្អ ព្រោះត្រូវជួបគ្នានៅថ្ងៃពុធនេះ ហើយក្នុងកីឡដ្ឋាន Wembley។
រវល់យ៉ាងណាក្ដី! លោកគ្រូបង្វឹកព័រទុយហ្គាល់បានសរសេរសំបុត្រមួយច្បាប់ទៅលោកតា Fredrik Schofield។ អាចនិយាយបានថាជាអ្នកគាំទ្រ Man Utd វ័យចាស់ជាងគេដែលនៅរស់ប៉ុន្តែលោកតាទទួលរងនៅជម្ងឺដាច់សរសៃខួរក្បាលហើយពេលនេះលោកតាគ្រាន់បើឡើងវិញហើយ។
យ៉ាងណាក្ដី! លោក Jose បានសរសេរសំបុត្រអរគុណនូវការគាំទ្រក្លឹប និងគាត់នាពេលកន្លងមកហើយថែមទាំងបានជូនពរឲ្យឆាប់ជាពីជំងឺទៀតផង ហើយពេលទទួលបានលោកតា បានបង្ហាញអារម្មណ៍រីករាយ សប្បាយចិត្តយ៉ាងខ្លាំង៕
