Isco គឺបានក្លាយជាកីឡាករលេងល្អបំផុតក្នុងការប្រកួតជាមួយអាហ្សង់ទីន ខណៈដែលរូបគេរកបាន៣គ្រាប់ម្នាក់ឯងក្នុងជ័យជម្នះ៦-១ហើយខ្សែបម្រើ Atletico Madrid កីឡាករ Koke បាននិយាយថាគាត់នឹងទទួលស្វាគមន៍ Isco ដោយម្រាម១០បើបើគាត់ចេញពី Real មកចូលរួមជាមួយ Atletico។
Isco បានរិះគន់ Real Madrid ពីការរក្សាទុកគាត់ក្នុងកៅអីបម្រុងហើយមិនបានផ្ដល់ទំនុកចិត្តដល់គាត់ក្នុងនាមជាកីឡាកររបស់ Real Madrid ។ប៉ុន្តែយ៉ាងនេះក្ដី! ខ្សែបម្រើ Atletico បានបាននិយាយថារូបគេស្វាគមន៍ដោយគ្មានបញ្ហា បើ Isco ចង់ចេញពី Real Madrid។
“ខ្ញុំឃើញហើយគឺពិតជាល្អណាស់ ! ពេលវេលាដែលយើងលេងជាមួយគ្នា ពេលដែលគាត់លេងជាមួយពួកយើងគឺល្អបំផុត។ កម្រិតរបស់គាត់ពិបាកស្មានណាស់ ក្នុងក្លឹបរបស់គាត់ ខ្ញុំមិនបានឃើញគាត់រាល់ថ្ងៃនោះទេ ហើយខ្ញុំក៏មិនដឹងថាZidane គិតយ៉ាងម៉េចចំពោះគាត់ដែរ ប៉ុន្តែខ្ញុំស្រឡាញ់ Isco”។
“បើគាត់មិនចង់បន្តនៅទីនោះប្រហែលជាAtletico អាចជួយគាត់បាន”។
ក្នុងរដូវកាលនេះ Isco លេងបាន១៨ប្រកួតឲ្យ Real Madrid រដូវកាលនេះរកបាន៥គ្រាប់ និងបញ្ជូនបាល់ឲ្យមិត្តរួមក្រុមបាន៥គ្រាប់ផងដែរ៕
