ក្លឹបតោខៀវ Chelsea ចង់ចុះកុងត្រាយកខ្សែប្រយុទ្ធស្លាប Thorgan Hazard ពីក្លឹប Borussia Monchengladbach ម្ដងទៀត។ នេះបើតាមប្រភព Bild របស់អាល្លឺម៉ង់។
Thorgan Hazard គឺជាប្អូនប្រុសទី២របស់ Eden Hazard ដែលកំពុងជាតារានាំមុខរបស់តោខៀវ ហើយក៏ជាបងប្រុសរបស់Kylain Hazard ដែលកំពុងលេងក្នុងឈុត U23 របស់ Chelsea ផងដែរ។ រូបគេធ្លាប់បានចុះកុងត្រាជាមួយ Chelsea កាលពីឆ្នាំ២០១២មុនពេលអនុញ្ញាតឲ្យលេងខ្ចីជើងនៅក្លឹប Zulte Waregem និង Gladbach ខណៈរូបគេចុះកុងត្រាផ្ដាច់ខ្លួនពីChelsea នៅឆ្នាំ២០១៥។
Chelsea បានត្រៀមខ្លួនរួចហើយក្នុងនាំ យកកីឡាករម្នាក់នេះមកអង់គ្លេសម្ដងទៀត។ទោះបីជាយ៉ាងនេះក្ដី!ការផ្ទេរនេះនឹងពិភាក្សាក្នុងខែមករាដែលជារដូវបើកទ្វារដោះដូរកីឡាករតែម្ដង៕
