តោះ!អាណាចក្រកីឡានាំប្រិយមិត្តមកវិភាគត្រួសៗ ពីជំនួបរវាងជម្រើសជាតិវែល និងអ៊ុយរូហ្គាយក្នុងវគ្គផ្ដាច់ព្រ័ត្រពានរង្វាន់ China Cup ក្នុងកីឡដ្ឋានGuangzi Sport Center Stadium ក្នុងទីក្រុង ណាននីង។
ព័ត៌មានអំពីក្រុមទាំងពីរ៖
Wales៖ Ethan Ampadu, Neil Taylor, Joe Ledley, Aaron Ramsey និង Tom Lawrence មិនបានធ្វើដំណើរទៅកាន់ប្រទេសចិននោះដូច្នេះហើយ ប្រិយមិត្តមិនចាំបាច់រកមុខនោះទេ Giggs មានកីឡាករក្នុងដៃរួចហើយ។
Uruguay; ក្រុមគីឡូធ្ងន់មកពីអាមេរិកខាងត្បូង មានកងទ័ពពូកែពេញជើងទាំងក្បាច់គុណ និងយុទ្ធសាស្ត្រគ្មានកីឡាករត្រូវព្យាបាលរបួសនោះទេ។
សម្ដីគ្រូបង្វឹកក្រុមទាំងពីរ៖
Ryan Giggs៖” ទោះបីជាយើងលេងបានល្អទល់នឹងក្រុមម្ចាស់ផ្ទះចិនយើងនឹងត្រូវការលេងឲ្យល្អជាងនេះទៀតដើម្បីឈ្នះពានChina Cup។នេះគឺជាអ្វីដែលយើងកំពុងរៀបចំ។វាមិនងាយស្រួលនោះតេពីព្រោះយើងជួបក្រុមដ៏តឹងតែងមួយ ក្រុមមកពីអាមេរិកខាងត្បូងមានបទពិសោធន៍ច្រើនរួមទាំងកលល្បិច តិកនិកខ្លាំង។ ប៉ុន្តែវាគឺជាការប្រជែងដ៏អស្ចារ្យសម្រាប់កីឡាករយើងដើម្បីលេងជាមួយក្រុមល្អបំផុតលើលោក”។
Oscar Tabarez៖ការប្រកួតពាន China Cup នឹងជាការប្រកួតទី១៨៥ប្រកួតហើយសម្រាប់លោក Tabarez ហើយគ្មានអ្វីជាមន្ទិលសង្ស័យសម្រាប់គោលបំណងមកប្រទេសចិនឡើយ។
“ ខ្ញុំដឹកនាំតាំងពីរឆ្នាំ២០០៦ហើយយើងមានចំណុចឡើងចុះជាច្រើនតាំងពីពេលនោះមកប៉ុន្តែយើងមានក្រុមកីឡាករដ៏អស្ចារ្យនៅពេលនេះហើយយើងនឹងឈរក្នុងជំហររឹងមាំសម្រាប់World Cup”។
រឿងដែលគួរដឹង៖
Wales និង Uruguay ធ្លាប់ជួបគ្នាតែម្ដងគត់ ក្នុងការប្រកួតមិត្តភាពកាលពីឆ្នាំ២០០៦ ដែលកាលនោះ គ្មានក្រុមណាឈ្នះក្រុមណាចាញ់ ហើយក៏មិនរបូតគ្រាប់បាល់ដែរ។ ប្រសិនបើការប្រកួតល្ងាចនេះ មានលទ្ធផលដូចគ្នាកាលពីឆ្នាំ ២០០៦ក្រុមទាំងពីរនឹងថែម១៥នាទី២ដងហើយ នឹងមានបាល់សម្រេចសេចក្ដី១១ម៉ែត្រយកឈ្នះចាញ់។
Gareth Bale ទើបតែបំបែកកំណត់ត្រាក្លាយជាកីឡាកររកបានគ្រាប់បាល់ច្រើនជាងគេរបស់ជម្រើសជាតិវែល ជាមួយនឹងការរកបាន៣គ្រាប់ម្នាក់ឯងទល់នឹងចិន ចំណែក អ៊ុយរូហ្គាយសំពងជម្រើសជាតិឆែកដោយសារខ្សែប្រយុទ្ធ Edinson Cavani និង Luis Suarez។
ជម្រើសដំបូង១១នាក់របស់ក្រុមទាំងពីរ៖
-Wales; Hennessey, Gunter, Chester, A Williams, Davies; Allen, King; Wilson, Bale, Woodburn; Vokes.
-Uruguay; Muslera; Varela, Gimenez, Godin, Laxalt; Rodriguez, Betancur, Vecino, Stuani; Cavani, Suarez.
ការព្យាករណ៍៖ ពិបាកក្នុងការទស្សន៍ទាយបំផុតសម្រាប់ក្រុមទាំងពីរនេះប៉ុន្តែអ៊ុយរូហ្គាយនឹងរកបានគ្រាប់បាល់ក្នុងម៉ោងបន្ថែម១៥នាទី២ដងយកជ័យជម្នះហើយលើកពានតែម្ដង៕
ចុះប្រិយមិត្តវិញទស្សន៍ទាយបែបណាវិញ?
