គ្មានអ្វីដែលត្រូវលាក់បាំងសោះឡើយ សម្រាប់ខ្សែប្រយុទ្ធក្លឹប Monaco កីឡាករ Radamel Falcao ដែលគេឃើញថាកំពុងមានទម្រង់លេងល្អក្នុងរដូវកាលនេះ ប៉ុន្តែបើក្រឡេកមើលស្ថិតិនិងកំណត់ត្រានេះប្រិយមិត្តនិងភ្ញាក់ផ្អើលមិនខាន។
ខ្សែប្រយុទ្ធជម្រើសជាតិកូឡុំប៊ី បានទាត់បញ្ជូលទីបានមួយគ្រាប់ក្នុងលទ្ធផលស្មើជាមួយ Montpellier កាលពីម្សិលមិញដោយគិតជាសរុប រូបគេរកបាន១២គ្រាប់ហើយក្នុងរដូវកាលនេះក្នុងការប្រកួតនៅ Ligue 1។
12/13 – Falcao has scored 12 goals from just 13 shots on target in Ligue 1 in 2017/18. Tiger.
— OptaJean (@OptaJean) September 29, 2017
គ្រាប់បាល់ទាំង១២គ្រាប់បានមកពីការទាត់ចំគោលដៅ១៣ដង (On Target)សម្រាប់រដូវកាលនេះ។
Falcao ត្រូវបានគេពិចារណាថា អ្នកបញ្ចប់ទីល្អបំផុតនៅអឺរ៉ុប បន្ទាប់ពីលេងនៅ Porto និង AT. Madrid។ រូបគេលេងឲ្យក្លឹបទាំងពីរនេះបាន១៧៦ប្រកួតរកបាន១៤២គ្រាប់ មុនពេលរបួសធ្លាក់ទម្រង់លេងអំឡុងពេលនៅ Chelsea និង Manchester United។
បន្ទាប់ពីមានការរិះគន់នៃការធ្លាក់ទម្រង់លេងដល់កម្រិតមួយមិនអាចទទួលយកបាន រូបគេបានកែប្រែស្ថានការណ៍បានល្អបំផុតក្នុងរដូវកាលមុន និងបន្តដល់រដូវកាលនេះ។ កាលពីឆ្នាំមុនរូបគេរកបាន៣២គ្រាប់ក្នុងចំណោម៤៣ប្រកួតគ្រប់ពានរង្វាន់ឲ្យក្លឹប។
ទោះបីជាឡើងដល់វ័យ៣២ឆ្នាំក្នុងរដូវកាលនេះ កីឡាករដែលគេដាក់ឈ្មោះក្រៅថា” El Tiger” ពិតជារកបានកំណត់ត្រាមួយល្អសូម្បីតែ Messi និង Ronaldo ក៏មិនទាន់អាចធ្វើបាននៅឡើយ៕
