មុនជួបគ្នាយប់នេះវេលាម៉ោង២ និង៤៥នាទីទៀបភ្លឺ(និយាយម៉ោងនៅកម្ពុជា) រវាងម្ចាស់ផ្ទះ PSG ទល់នឹងក្រុមភ្ញៀវ Real Madrid លោក Unai Emery គ្រូបង្វឹកក្រុមម្ចាស់ផ្ទះបារាំងបានសន្និដ្ឋានថា គាត់ចង់ឲ្យក្រុមរបស់គាត់ លេងតទល់ជាមួយជម្រើសល្អៗបំផុតរបស់ Real Madrid ។
អវត្តមានរបស់ Kroos និង Modric (ជាសះស្បើយតែមិនដឹងថាថាបានលេងអត់)អាចធ្វើឲ្យ Madrid ឈឺចាប់ ប៉ុន្តែក្លឹបមានមូលដ្ឋាននៅរដ្ឋធានីរបស់អេស្ប៉ាញ ចង់ឲ្យពួកគេ លេងលើទីលាន។
“ ខ្ញុំចង់លេងទល់នឹងជម្រើសកីឡាករ១១នាក់ល្អបំផុតរបស់ Real Madrid។ វាជាការប្រកួតដ៏សំខាន់មួយក្នុងរដូវកាលនេះ ហើយវាជាស្ថានភាពមានតែមួយគត់ សម្រាប់អ្នកគាំទ្រ PSG និងអ្នកគាំទ្របារាំងទាំងអស់”លោកនិយាយក្នុងសន្និសីទកាសែតមុនការប្រកួត។
ខណៈពេលដែលក្រុមបារាំងមិនទាន់បានបង្ហាញជម្រើស១១នាក់នៅឡើយនោះ លោក Emery ត្រូវបានគេសួរយ៉ាងពិសេសអំពី Angel Di Maria ដែលគួរតែចាប់ផ្ដើមក្នុងតំបន់បម្រើជាមួយ Thiago Motta ឬក៏ Lass Diarra។
“Di Maria ត្រៀមខ្លួនរួចហើយ គាត់ធ្លាប់បានដឹងពី Champions League ស្ទើរតែទាំងអស់។ Motta និងLass ក៏មិនទាន់ត្រៀមខ្លួនរួចនៅឡើយដែរ ទោះបីពួកគេមានបទពិសោធន៍និងបង្ហាញទម្រង់លេងល្អក៏ដោយ។ សម្រាប់ខ្ញុំជម្រើសដំបូង១១នាក់គឺស្រួលទេ”៕
