គ្រូបង្វឹកក្រុម Liverpool លោក Jurgen Klopp បានព្យាយាមដាស់តឿនកូនក្រុមមិនឲ្យធ្វេសប្រហែស ឬ ទម្លាក់ជើងនៅការប្រកួតណាមួយនោះទេ ដោយសារលោកចង់ឃើញក្រុមទទួលបានជ័យជម្នះជាជាងបរាជ័យ។
ក្រោយពីបានបំបាក់ក្រុមញញួរយក្ស West Ham ដោយលទ្ធផល៤ទល់និង០ កាលពីថ្ងៃសៅរ៍កន្លងទៅ គេបានកត់សំគាល់អំពីទម្រង់លេងដ៏កំពូលរបស់កីឡាករក្រុមហង្សក្រហម ជាពិសេសខ្សែប្រយុទ្ធជួរមុខទាំងបីនាក់គឺ Mo Salah ,Sadio Mane និង Roberto Firmino ថាជាខ្សែប្រយុទ្ធដ៏មុតស្រួចបំផុតនៅអង់គ្លេស។
ប៉ុន្តែអ្វីដែលអ្នកតាមដានបាល់ទាត់គ្រប់គ្នាកំពុងចង់ដឹងនោះគឺ តើពួកគេអាចរក្សាទម្រង់លេងដ៏ល្អបែបនេះបានរហូតដល់
ចប់រដូវកាលដែរឬទេ? Klopp បានឆ្លើយតបទៅនិងចម្ងល់នេះថា៖”ពួកយើងត្រូវតែរក្សាភាពស្រេកឃ្លានជ័យជម្នះ និង ការចង់បានពាន។ កាលពីដើមរដូវកាល ពួកយើងមិនសូវជាមានពេលសប្បាយប៉ុន្មានទេ តែមើលចុះសព្វថ្ងៃពួកយើងតែងតែនាំគ្នាសើច និងរីករាយក្រោយចប់ការប្រកួតម្ដងៗ។ រឿងដ៏ល្អបែបនេះត្រូវតែបន្តទៅមុខទៀត”។
ចំណែកលោក David Moyes គ្រូបង្វឹក West Ham ដែលទើបត្រូ វLiverpool លត់កាលពីប៉ុន្មានថ្ងៃមុន បានកោតសរសើរដល់កីឡាករ Mohamed Salahថា គេជាកីឡាករដែលមានសមត្ថភាពល្អពិសេសខុសគេ ហើយការតាមបិទកីឡាកររូបនេះរឹតតែពិបាកថែមទៀត៕
Telegraph
